Gjendet trupi i pajetë i 22-vjeçarit që u mbyt dy ditë më parë te Gjiri i Lalzit! Roja bregdetare nuk e pa! Nëna e të riut: S'do ketë më kurrë gëzim në familjen tonë

Arjan Sallahu, 22-vjeçari që u mbyt në det

DURRËS- Pushimet me familjen, për herë të parë në plazh, u kthyen në tragjedi. Pas dy ditësh ankth, frikë dhe dhimbje, familja Sallahu mësoi lajmin se djali i tyre 22-vjeçar, Arjani u gjet, por fatkeqësisht i pajetë.

I riu i cili nuk dinte not, u fut për t'u larë, e nga ku nuk ia doli që të dilte më gjallë prej aty, për shkak se kishte shumë erë dhe deti ishte i trazuar . Ai u mbyt dy ditë më parë në plazhin e Gjirit të Lalzit e ndërsa trupi i pajetë u gjet mëngjesin e kësaj të enjte rreth 500 metra në jug të vendit nga ku mendohet se është mbytur i riu...Roja bregdetare, ndonëse ishte prezent, nuk ka mundur dot ta shpëtojë të riun, sepse nga sa raportohet, nuk e ka parë që dikush po kërkonte ndihmë.

Dhimbjen e humbjes së djalit të saj, në kulmin e moshës, nëna e 22-vjeçarit nuk e ka mbajtur dot përbrenda. Ajo ka shkruar mesazhe prekëse, në rrjetet sociale, në profilin e viktimës. Me dhimbjen që nuk do e dëgjojë mëfjalën "nënë" nga goja e Arjanit, ajo shkruan se me ikjen e tij, në familjen Sallahu nuk do të ketë më gëzim.

Bilanci i pushuesve që kanë humbur jetën në det, fatkeqësisht edhe këtë sezon veror ka qenë tragjik. Një shkak është edhe mungesa e rojeve bregdetare, ndonëse jo në rastin konkret. Prej javësh, Report Tv ka raportuar mbi problematikën e mungesës së rojeve bregdetare në plazhet shqiptare, mirëpo ky denoncim i vazhdueshëm duket se ka rënë në vesh të shurdhët. Asnjë nga autoritetet apo bizneset që e kanë për detyrim punësimi e një roje bregdetare nuk ka reflektuar, çka ka sjellë që pasoja të jenë fatale.

Rendit zhvillimet sipas orarit:
Ora 09:54
Djali u mbyt në plazh, nëna e 22-vjeçarit: Më bëre hi, të patëm orën e shtëpisë! Familja jonë s'ka për të pasur kurrë më gëzim në jetë

Nëna e të riut, trupi i pajetë i të cilit u gjet pas dy ditësh në breg, dhimbjen e saj nuk e ka mbajtur dot përbrenda, por me disa rreshta prekës në rrjetet sociale e ka vajtuar me zë të lartë djalin që nga sot nuk do i thotë dot "nënë". 

Ajo ka përdorur profilin e të riut në Facebook, ku ka shkuar edhe lajmin se trupi i djalit u gjet, teksa më herët është shprehur se me humbjen e 22-vjeçarit, në familjen e saj nuk do të ketë kurrë më gëzim. 

"Me dhimbjen shumë të madhe po tregoj se trupi i djalit ton u gjet. Cka me shkrujt per ty ..e mjera une cka met than mami set fali Allahu ne ditet mat fshtira te jetes time et mur ne ditet e rinin tane ..ma bane me hi o djali jem tum tregu se sa muj ..se tuj tuj ik ..qysh dje je ne det ..akoma ste kem gjet ...oi miri i mamit mami per jet ka dek.. tpatem oren e shpis mat mirin ..kush tka njoft moj cukel.. qeshtu thon per ty iahte i paqosh Allahu e baft emen e ta gjetshim trupin o biri jem ..Allahu koft me ty..atje ku je ...o Jani i Mamit e mjera une per jet jetve..familja jon kurr ma per jet ..ska me pas gzim as lumturi si me par .mos prania e jote per jet ka me vra", shkruan ajo.  

M.Q./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Takimi i 7 mes dy qeverive Shqipëri-Kosovë dhe 16 marrëveshjet e nënshkruara i konsideroni:



×

Lajmi i fundit

John

Rusia dhe Kina kundërshtojnë Samitin e Demokracisë si pengesë të modernizmit:Produkt i mentalitetit të Luftës së Ftohtë