POP 5

Lajmet më të lexuara të 5 minutave të fundit

Sport

GOLAT/ Real Madrid përmbys 1-2 Valencian në limite dhe merr kreun e La Ligas, Vinicius del me karton të kuq

Real Madrid është në krye të La Ligas në Spanjë. "Galaktikët" fituan 1-2 me përmbysje ndeshjen e prapambetur (java 12) kundër Valencias në "Mestalla".

GOLAT/ Real Madrid përmbys 1-2 Valencian në limite dhe merr kreun e La Ligas, Vinicius del me karton të kuq

Festa e Real Madrid

Real Madrid është në krye të La Ligas në Spanjë. "Galaktikët" fituan 1-2 me përmbysje ndeshjen e prapambetur (java 12) kundër Valencias në "Mestalla" dhe pas 19 javësh mbajnë kreun e renditjes, të kërcënuar nga Atletico Madrid me një ndeshje më pak.

Në Valencia ndeshja nisi me falenderime për gjestin e dhurimit të 1 milionë eurove nga Real Madrid pas përmbytjeve në qytet disa muaj më parë. Më pas ishte radha e fushës për protagonistët e saj.

Pas 27 minutave lojë Hugo Duro kaloi në epërsi Valencian duke shokuar miqtë dhe Ancelottin. Megjithë përpjekjet pjesa e parë u mbyll në avantazhin e vendasve. Fraksioni i dytë nisi mirë për "Galaktikët" që shpërdoruan penalltinë me Bellingham në minutën e 55-të. Topi i goditur nga anglezi u stampua në shyllën e majtë pingule të portierit Dimitrievski.

Në të 79 minutë Vinicius bëri një gjest aspak sportiv dhe arbitri Soto Grado i tregoi dhomën e zhveshjeve para kohe. Kur u duk se madrilenët "u fikën", ishte Bellingham që asistoi për Modric, me veteranin kroat që barazoi shifrat pesë minuta para fundit. Modric ishte hedhur në fushë nga Ancelotti vetëm pesë minuta para golit.

"Mbretërorët" nuk u pajtuan vetëm me barazimin dhe në shtesën e pestë kaluan në epërsi me Bellingham. Mesfushori tregoi sa vlen për këtë ekip duke shlyer edhe gabimin e penalltisë.

Me 43 pikë Real Madrid mban kreun e La Ligas, dy pikë më shumë se Atletico që ka një ndeshje më pak. Barcelona me 38 pikë dhe Bilbao me 36 plotësojnë katërshen e parë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Eduard Zaloshnja/ Sondazhi: Vetëm 28.5% nuk duan asnjë masë sigurie për Berishën, mbi 43% e duan nën arrest shtëpie

Eduard Zaloshnja/ Sondazhi: Vetëm 28.5% nuk duan asnjë masë sigurie për Berishën, mbi 43% e duan nën arrest shtëpie

6 Janar, 10:15 nga Eduard Zaloshnja