Grabiti 500 mijë € bizhuteri në Maltë/ Bektash Muka del para Gjykatës, ja akuzat që u ngritën ndaj tij

MALTË- 27-vjeçari shqiptar, Bektash Muka, i arrestuar ditën e djeshme pas një viti në kërkim nga policia ka dalë ditën e sotme para Gjykatës.

Dy prokurorët Omar Zammit dhe Melvyn Camilleri, kërkuan burgimin e shqiptarit pasi përveç akuzave për vjedhjen e 500 mijë eurove bizhuteri, ai ka kërcënuar dhe dhunuar një oficer të identifikuar si Mario Mizzi dhe për armëmbajtje pa leje.

Muka u akuzua gjithashtu edhe për përdorimin e targave të një makine të vjedhur, drejtim mjeti pa licensë dhe për posedim kokaine në një masë më të madhe se për atë të përdorimit personal.

I përfaqësuar nga avokatja e tij, Marita Pace Dimech, Bektash Muka mohoi akuzat e ngritura ndaj tij por megjithatë nuk kërkoi lirimin nga paraburgimi.

Për të lexuar lajmin e arrestimit të Bektash Mukës, ditën e djeshme nga policia malteze (LEXO KËTU)

Për të lexuar historikun e 27-vjeçarit me policinë shqiptare dy vite më parë (LEXO KËTU)

TAG:
• grabitje
• malte
• gjykate
• bektash muka