POP 5

Lajmet më të lexuara të 5 minutave të fundit

Politikë

Greqia: Na jepni detin që
t’ju japim statusin në BE

Qeveria greke ka gjetur pikërisht një ditë të veçantë për të nxjerrë numrin dy të saj dhe ministër i Jashtëm, Evangjelos Venizellos në mëngjes herët në një konferencë për mediat.
Greqia: Na jepni detin që<br />t’ju japim statusin në BE
TIRANE- Qeveria greke ka gjetur pikërisht një ditë të veçantë për të nxjerrë numrin dy të saj dhe ministër i Jashtëm, Evangjelos Venizellos në mëngjes herët në një konferencë për mediat. Duke treguar qartë se kërkon të jetë prezente dhe ajo në balancat rajonale. Pikërisht pak orë përpara se të fillonte takimi inagurues i terminalit në Kosovë, ku morën pjesë kryeministri turk Rexhep Taip Erdogan, kryeministri shqiptar Edi Rama dhe kryeministri mikpritës Hashim Thaçi, shefi i diplomacisë greke, ka kërkuar zbatimin e marrëveshjes për kufinjtë detarë me Shqipërinë, megjithëse të rrëzuar nga Kushtetuesja shqiptare, por me disa rregullime të vogla teknike.

Ndërkohë që ka përmendur dhe integrimin e Shqipërisë në BE dhe mbështetjen greke për këtë qëllim, por ka vënë si kusht zbatimin e marrëveshjes së kufirit detar të nënshkruar nga Basha-Bakojanis, duke shikuar çështjet teknike. Kështu, Venizellos ka kërkuar finalizimin e marrëveshjes detare me Shqipërinë dhe ka shprehur gatishmërinë që marrëveshja detare të diskutohet, por vetëm për çështjet teknike. Në një konferencë shtypi në Athinë, ai kërkoi finalizimin e marrëveshjes së delimitimit të kufijve detarë. “Ne kërkojmë përfundimin e marrëveshjes së demarkacionit të kufijve detarë me Shqipërinë”, theksoi ministri i Jashtëm grek.

Venizellos theksoi se parimet e marrëveshjes së nënshkruar në të kaluarën nuk mund të ndryshohen, pasi siç tha ai, principet janë vetë e Drejta Ndërkombëtare e Detit”, por mund të shihen disa çështje teknike. “Parimet e marrëveshjes së nënshkruar në të kaluarën nuk mund të ndryshohen por mund të shihen disa çështje teknike. Alternativat janë dy, njëra është e drejta ndërkombëtare e praktika evropiane, të cilën e sugjerojmë e shpresojmë ta pranojë pala shqiptare, ndërsa ekziston edhe alternativa e sfidimit të së drejtës ndërkombëtare dhe praktikës evropiane”, deklaroi Venizellos.

I pyetur për procesin e integrimit të Shqipërisë dhe se a do të ketë Tirana mbështetjen e Athinës, Venizelos deklaroi se “Tirana ka shprehur gatishmërinë e saj për t’u bashkuar me BE-në dhe Greqia do të mbështesë, duke e ftuar dhe nxitur atë të zgjidhë çështjen në bazë të së drejtës ndërkombëtare dhe praktikës evropiane”. Deklarata e Venizelos vjen pak para vizitës së presidentit grek Karolos Papulias në Shqipëri. Disa ditë më parë Venizelos u shpreh se deklaratat që ai bëri gjatë vizitës në Tiranë janë tezat e politikës së jashtme greke dhe “ky do të jetë kuadri i vizitës së Papulias në Shqipëri”. Ndërkohë që në vizitën e numrit dy të diplomacisë greke, Venizellos në Tiranë, homologu i tij Bushati i bëri të qartë që çështja çame është në dosjen diplomatike të kësaj qeverie dhe duhet zgjidhur, ndërsa ka kërkuar që të hiqet ligji i luftës nga ana e Parlamentit grek. Kërkesa që janë anashkaluar ose mohuar nga ministri Venizellos.
 
Bushati me Venizellos:
“Vendimi i Kushtetueses është i qartë si kristali”
“Përgjigjen për paktin e ka dhënë gjykata kuyshtetuese. Sot nuk shtrohet më pyetja për qeverinë shqiptare si e lexon vendimin e Kushtetueses, pasi është i qartë si kristali. Për qeverinë shqiptare shtrohet pyetja si do ecet përpara për ti dhënë një zgjidhje kësaj çështje që është e rëndësishme për Shqipërinë, Greqinë dhe propjektet e përbashkëta për rajonin e Mesdheut”, ka qënë deklarata e Bushatit në takimin me Venizellos, duke kërkuar kurajo për zgjidhjen e çështjes çame e heqjen e ligjit të luftës.
 
 
Qëndrimi
Dade pati thirrur ministrin për “detin”
PS para 23 qershorit ka realizuar senacë dëgjimore me Ministrin e Punëve të Jashtme të asaj kohe Edmond Panariti, në Komisionin e Jashtëm. Me një kërkesë zyrtare ish-nënkryetarja e Komisionit të Jashtëm, Arta Dade kërkoi shpjegim për ecurinë e procesit të delimitimit të shelfit kontinental në Korfuz e në detin Jon. Asokohe ministri nuk u lejua nga ana e kryetarit të komisionit që të vazhdonte përgjigjen e pyetjeve të deputeteve të Komisionit të Jashtëm, anëtarë ose jo të Grupit Parlamentar të PS, dhe seanca u mbyll në mënyrë arbitrare. Dade asokohe kishte paralajmëruar se do ndërmerreshin hapat e duhur si Komision që ka mision kryesor për të monitoruar punën e Ministrisë së Jashtme e në veçanti për çështje që cënojnë interesat madhore të vendit, integritetin tërësor territorial dhe për rrjedhojë kanë krijuar impakt shqetësues tek shtetasit e Shqipërisë.
 
 Shkrimi u publikua sot (24.10.2013) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Ukrainë, lufta dhe pasiguria ndikojnë tek rënia e popullsisë

Ukrainë, lufta dhe pasiguria ndikojnë tek rënia e popullsisë

28 Nëntor, 18:33