Nuk ka asnjë alarm të ri për gripin e shpendëve në Shqipëri. Nuk ka dyshime dhe rikonfirmime të reja për Influencën Aviare në vendin tonë.
Lajmin e bën të ditur Ministria e Bujqësisë dhe Zhvillimit Rural, e cila publikoi sot (8 nëntor) edhe masat e marra dhe kontrollet e ushtruara në të gjitha qarqet, kryesisht fermat e kafshëve.
Në harkun javor 30 Tetor-7 Nëntor 2024, ministria bën me dije se ka vijuar monitorimin në fshatrat e zonës së mbikëqyrjes 3 km dhe atë të zonës së mbrojtjes 10 km, për të kontrolluar dhe inventarizuar 3935 ferma shpendësh të madhësive të ndryshme.
“Nga kontrolli fizik i shpendëve në këto ferma, gjendja shëndetësore është paraqitur pa shqetësime lidhur me kuadrin klinik të Influencës Aviare. Qendrat Kombëtare dhe Rajonale të Krizës kanë vazhduar raportimin dhe koordinimin ditor deri në mbylljen e rastit dhe daljen nga karantina të vatrës pozitive”, thuhet në njoftimin zyrtar.
Gjithashtu mësohet se për gjurmim të hershëm dhe kufizim të përhapjes së sëmundjes, shërbimi veterinar i AKVMB ka marrë dhe dërguar në ISUV 209 mostra për analizim rreth rrezes 3 km dhe 10 km.
“Gjithashtu në zbatim të Programit të Survejancës, kanë mbërritur në Laboratorin e Referencës – ISUV edhe 140 kampione nga Rajone të tjera, përkatësisht qarku Elbasan, Korcë, Shkodër, Lezhë, Dibër, Fier. Instituti i sigurisë Ushqimore dhe veterinarisë informon se rezultatet e analizave deri në datën 6.11.2024, kanë rezultuar Negative për Influencë Aviare me metodën konfirmatore RT-PCR”, sqaron ministria për situatën.
Monitorim është bërë edhe për qarkun e Tiranës, ku “nuk janë konstatuar probleme me tregtimin e produkteve ushqimore me origjinë shtazore dhe specifikisht nga shpendët”. Kontrolli është ushtruar në 22 subjekte tregtare të vezëve, mishit të pulës dhe restorante.
“Instituti i Shëndetit Publik informon se është në monitorim të vazhdueshëm të situatës shëndetësore në njerëz, ku deri më sot nuk ka njoftime apo raste të dyshuara për simptoma të ngjashme respiratore. Gjithashtu, ISHP është në kontakt të vazhdueshëm me mjekët e familjes”, thekson ministria.
Teksa edhe këshillon konsumatorin shqiptar që “të konsumojë produkte të certifikuara dhe kontrolluara nga autoritetet përkatëse, të ruajë kushtet higjienike, si dhe të sigurojë trajtimin termik në temperatura të larta gjatë konsumit të produkteve me origjinë shtazore”.
Gjithashtu po vijon edhe procesi i vaksinimit falas, për kafshët bujqësore nga Shërbimi Veterinar. Për vitin 2024, Autoriteti Kombëtar i Veterinarisë dhe Mbrojtjes së Bimëve, ka marrë nëdorëzim dhe shpërndarë në Drejtoritë Rajonale Elbasan, Shkodër, Tiranë dhe Vlorë 131,000 dozë vaksina kundër Sëmundjes së Plasjes (Anthrax), në zonat ku ka pasur raste.
Po realizohet gjurmimi i Turbekulozit dhe gjurmimi për Brucelozën, me kontrolle dhe dërgimin e kampioneve në laborator. Gjithashtu janë shpërndarë 300 mijë doza vaksine në rang vendi, si dhe gjurmimi në 49189 krerë.
Lajme të tjera
-
Zbulohet vatër e gripit të shpendëve në Tiranë! Ministria: Vatra u karantinua! Ndalohet lëvizja e shpendëve nga fermat Vorë dhe Kamëz
2 Nëntor, 09:28 -
Nis vaksinimi falas kundër gripit! 280,000 doza në të gjithë vendin
7 Tetor, 15:06 -
Kartela e vaksinimit të fëmijëve tani në e-albania
3 Shtator, 14:00 -
Kartela e vaksinimit të fëmijëve e aksesueshme në e-Albania
3 Shtator, 13:56 -
Gjirokastër, shfaqet sëmundja e antraksit, 3 të infektuar në Lazarat! Veterineri: Qytetarët të konsumojnë vetëm mishin me certifikatë shëndetësore veterinare
10 Gusht, 15:19
-
Denaj: Fillon disbursimi i Skemës Kombëtare në Bujqësi për 2024
25 Korrik, 19:16 -
Rikthehet panairi ditët e bujqësisë në Lushnje! Mbledh aktorët më të rëndësishëm të bujqësisë në vend dhe rajon
19 Prill, 15:42 -
Murtaja dhe gripi i shpendëve! Shqipëria ndalon importin e mishit nga 6 vende
20 Mars, 22:48 -
'Piku nuk ka kaluar!' Tek fëmijët e të rriturit po qarkullon virusi AH1N1, mjekët paralajmërojnë shtim të rasteve edhe në shkurt
2 Shkurt, 13:39
-
Krifca: Instituti i Sigurisë Ushqimore dhe Veterinarisë në Tiranë ka pësuar ndryshim rrënjësor sipas direktivave të BE-së
26 Maj 2023, 18:43 -
OBSH paralajmëron: Kujdes, gripi i shpendëve po shpërndahet te gjitarët! Bota të përgatitet për një pandemi
10 Shkurt 2023, 18:01 -
Rikthehet gripi i shpendëve, Çekia asgjëson 750.000 pula
5 Janar 2023, 07:44
