KOSOVË- Kryeministri Ramush Haradinaj dhe Presidenti Ilir Meta kanë shkëmbyer kartolinat e fundvitit me njëri-tjetrin, teksa i cilësojnë si një konfirmim të marrëdhënieve të mira mes dy vendeve.
Në një reagim të shkrurët në rrjetet sociale Haradinaj shkruan: Në prag të festës së ndërrimit të moteve kam pranuar një letër urimi nga presidenti i Shqipërisë, z. Ilir Meta. Me urimet më të mira për Vitin e Ri 2020 nga z. Meta, si President i Shqipërisë, por edhe si një mik shumë i afërt i imi, pata kënaqësinë si çdoherë që edhe përmes kësaj letre të marrë edhe njëherë konfirmimin nga ana e tij për gatishmërinë që dy shtetet tona të ndërtojnë dhe fuqizojnë lidhjet, në të mirën e përbashkët të qytetarëve tanë. Faleminderit z. Meta. Urimet tona më të mira edhe për ju dhe Shtetin tuaj!
![](https://shqiptarja.com/template/img/NO_ALFA_Kuadrate shqiptarja.png)
Postimi i kryeministrit të Kosovës, Ramush Haradinaj
Kryeministri Haradinaj ka qenë një ndër zërat më të fortë në Kosovë kundër Shengenit Ballkanik dhe për këtë çështje ka pasur edhe përplasje në distancë me kreun e qeverisë në Shqipëri, Edi Rama. Për Haradinaj, Mini-Shengeni Ballkanik është nismë për të hequr taksën ndaj Serbisë, por Rama e ka cilësuar Haradinajn si gënjeshtar që gënjen nga padituria duke theksuar se një gjë e tillë nuk është e vërtetë.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)