POP 5

Lajmet më të lexuara të 5 minutave të fundit

Kronikë

I dënuar në mungesë për vrasjen e Azem Hajdarit, Izet Haxhia kërkon lirinë

Izet Haxhiaj i dënuar në mungesë me 25 vite burgim për vrasjen e ish deputetit Azem Hajdari, i kërkoi sot gjykatës lirimin nga qelia. Avokati i tij argumentoi se Haxhiaj ka kryer 13 vite burgim që i konvertohen në 20 vite. Vendimi do të jepet më 5 Korrik, ndërsa më herët, Gjykata e Apelit vendosi për ripahje të procesit të dosjes “Hajdari”.

Izet Haxhiaj, ish-truproja e Sali Berishës, nëpërmjet avokatit të tij Idajet Beqirit i kërkoi gjykatës lirimin nga qelia, duke e zëvendësuar masën e arrestit me burg, me një masë tjetër më të lehtë sigurie.

Avokati argumentoi se Izet Haxhiaj ka bërë 13 vite paraburgim, të cilat i konvertohen në 20 vite burg.

Por, për këtë kërkesë, togat e zeza do të shprehen më 5 Korrik, pasi seance u shty me kërkesë të prokurorisë për t’u njohur me të gjitha aktet e dosjes.

Haxhiaj u ekstradua nga Turqia me kërkesë të tij, pasi në vendin tonë është dënuar në mungesë me 25 vite burgim.

Hetimet zbuluan se ish truproja e Sali Berishës ka qenë një prej autorëve të vrasjes së ish deputetit Azem Hajdari, ndodhur në shtator të vitit 1998.

Izet Haxhiaj kërkoi rihapje të procesit gjyqësor, kërkesë e cila u pranua nga Gjykata e Apelit të Tiranës, në mars të këtij viti.

Trashëgimtarët e Azem Hajdarit nuk ishin të pranishëm në seancë. Gjykata tha se nuk dihet nëse familjarët kanë marrë dijeni apo jo për zhvillimin e kësaj seance. Kujtojmë se Azem Hajdari la pas bashkëshorten e tij Fatmira Hajdar, vajzën Rudina Hajdari, tashmë deputeti, dhe dy djemtë, Kiri dhe Azem Hajdari.

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Juventusi i vendos kushte Ardian Ismajlit

Juventusi i vendos kushte Ardian Ismajlit

2 Nëntor, 11:12