Gjatë homazheve sot për katër protestuesit e vrarë në 21 janar të vitit 2011 në Bulevardin "Dëshmorët e Kombit", është shënuar edhe një incident. Në momentin kur kryeministri Edi Rama i shoqëruar nga familjarët e viktimave dolën nga Kryeministria dhe marshuan në këmbë në drejtim të pllakatave përkujtimore, një i moshuar ka tentuar të takojë kreun e qeverisë.

Momenti kur i moshuari ndalohet nga punonjësit e gardës

Teksa mbante një zarf në dorë, ai ka thënë se atë do ia jepte kryeministrit. Menjëherë kanë ndërhyrë punonjësit e Gardës së Republikës të cilët kanë larguar të moshuarin. Mësohet se ai është shoqëruar më pas nga forcat e policisë për t'u marrë në pyetje. 


Lajmi kryesor:

8 vite nga 21 janari, Rama dhe familjarët e katër viktimave homazhe në Bulevard (VIDEO)