Juristi Kreshnik Spahiu ka ironizuar Sali Berishën, duke thënë se kur kryedemokrati i trembet garës së brendshme me Ervin Salianjin dhe Mereme Selën, nuk ka si të mundë në zgjedhje kryeministrin Edi Rama.

Komentet Spahiu i bëri në një lidhje për emisionin 'Frontline' me gazetaren Marsela Karapanço në Report Tv, ku tha se duke mos realizuar zgjedhje reale brenda PD-së, Berisha nuk bën gjë tjetër veçse legjitimon edhe kryeministrin Edi Rama, në rast të manipulimit të zgjedhjeve të ardhshme.

“Duke mos realizuar zgjedhje vetë, PD nuk bën gjë tjetër veçse legjitimon Ramën të manipulojë garën më të madhe. Berisha mund të ketë absolutisht këtë provën e fundit. Tani kur ti del para 24 orësh dhe thua Meremja i plotëson kriteret, thotë Sekretari i Përgjithshëm. 24 orë mbrapa kur vjen kryetari nga Sllovenia, thua nuk i plotëson kriteret Meremja, sepse bëhet gara qesharake. Nëse ti i trembesh një fraksioni që zien në parti, kur ti nesër e di shumë mirë që do të humbasësh zgjedhjet lokale, këta mendojnë që të nesërmen të mos ketë një 7% kundër, sepse mos u hap probleme”, tha mes të tjerash Spahiu.


Lajmi kryesor:

Spahiu: Berisha gënjen për numrin e demokratëve që e votuan, sepse në protesta nuk i dalin as 2000 persona