POP 5

Lajmet më të lexuara të 5 minutave të fundit

Kultura

Java e Kulturës Italiane çelet me shfaqje klasike në Butrint! ‘Artemis Danza’ interpreton veprat e Puccinit në teatrin antik

Java italiane e kulturës u çel mbrëmjen e të dieles me një shfaqje të grupit “Artemis Danza” në teatrin antik të Butrintit. Aktivitet e larmishme kulturore me pjesëmarrjen e shumë artistëve italiane do të vazhdojnë deri më 8 qershor në disa qytete të vendit, si Tiranë, Shkodër e Vlorë.

Grupi artistik italian, “Artemis Danza” solli në skenën e Teatrit Antik të Butrintit një interpretim të mrekullueshëm të katër akteve të operës “Voci di Donne” nga kompozitori legjendar Giacomo Puccini. Kjo performancë ishte përvojë e paharrueshme për të gjithë të pranishmit, duke kombinuar artin operistik me ambientin magjepsës të Butrintit.

Monica Casadei, drejtuese artistike dhe koreografe e kompanisë “Artemis Danza” shprehet se e lumtur për shfaqjen teksa thekson se “sonte prezantojnë një melodrame kushtuar katër heroinave magjepsëse të kompozitorit Giacomo Puccini: Tosca, Madama Butterfly, Mimi dhe Turandot, në njëqindvjetorin e ndarjes së tij nga jeta”.

Por aktiviteti kujton dhe një tjeter figurë të njohur italiane. Arkeologun Luigi Ugolini, i cili 100 vite më parë nisi gërmimet për zbulimin e Parkut Arkeologjik të Butrintit.

“Javë kulturore italiane shënon një moment të rëndësishëm, pasi përkon me 100-vjetorin e zbulimit të qytetit antik të Butrintit nga arkeologu italian Ugolini. Ky vend, me rrënojat e tij të lashta dhe historinë e pasur, është një simbol i trashëgimisë kulturore dhe historike”, tha Alessandro Ruggera Drejtori i Institutit të Kulturës Italiane.

Kjo shfaqje klasike çeli siparin e një mori aktivitetesh që do të mbahen në mbarë vendin nga 2 deri me 8 qershor në kuadër të “Javës Italiane” në Shqipëri.

R.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Censi 2023, popullsia u tkurr me 419 mijë në 12 vite, cili është shkaku?

Lajme të tjera



×

Lajmi i fundit

Futbolli shqiptar humb një legjendë, ndahet nga jeta lojtari dhe ish-trajneri i kombëtares Bejkush Birçe

Futbolli shqiptar humb një legjendë, ndahet nga jeta lojtari dhe ish-trajneri i kombëtares Bejkush Birçe

30 Qershor, 11:30