'Jemi në prag të katastrofës kombëtare'/ Rama për Metën: Ka kohë që s'është president! Lëviz natën pa protokoll

Kryeministri Edi Rama i ka kthyer përgjigje presidentit Ilir Meta,i cili tha se vendi është në prag të katastrofës kombëtare sa i përket situatës së COVID. Rama tha se Meta ka kohë që nuk sillet si një president i vendit.

“Presidenti ka kohë që s’është më President, por shpërdorues i funksionit të Presidentit në funksion të ndërmarrjes që drejtohet nga e shoqja. Vjen në Vlorë natën fshehurazi, shkon lart e poshtë, natën, shfaqet në makina pa protokollin përkatës, takon njerëz, por me sa duket jo dhe aq shumë dhe i duket e zbrazur Shqipëria se tani njerëzit s’besojnë më tek LSI. E mirëkutoj se zgjedhjet do jenë një katastrofë për LSI”, tha Rama. 

Ditën e djeshme presidenti Ilir Meta kërkoi që të ndryshohet strategjia e për përballimin e COVID, pasi nuk ka asnjë plan për vaksinimin e popullsisë, e për pasojë shtoi se situata po shkon drejt një katastrofe kombëtare, që duhet parandaluar pa humbur më kohë. Ai tha se është kriminale që bëhet sehir në këto kohë e duke i trajtuar të vdekurit si statistika.  

Lajmi kryesor:

Vaksinohen sot mjekët në Vlorë, vijon në Fier/ Rama: Të dielën fillojmë vaksinimin anti-COVID te personalitetet mbi 80 vjeç

B.K./Shqiptarja.com

TAG:
• edi rama
• Ilir Meta