'Ka rrahur ish-kryetarë', Berisha i kthehet Bashës: Duhet të mjekohet! I përgjigjet edhe komentit të Ramës për 'dy të marrët'

Sali Berisha, i ka kthyer përgjigje deklaratës së Lulzim Bashës se Berisha i ka dhunuar, rrahur dhe thyer dhëmbët të gjithë ish-kryetarëve të PD-së. Sipas Berishës, Basha dëshmoi para shqiptarëve se pse ai ka ndenjur sus prej tetë vitesh, pasi ka përfyturuar se pas çdo kundërshtie do të ketë një grusht turinjve për ti thyer dhëmbët.

'Sot ish-kreu Basha dëshmoi para shqiptarëve se pse ai ka ndenjur sus para meje prej tetë vitesh. Ai duket se ka përfytyruar se pas çdo kundërshtie do të ketë një grusht turinjve për t'i thyer dhëmbët. Ai pas kësaj duhet të mjekohet. Me këtë që thotë ai është rëndë. Këtë mund ta thotë vetëm një mendje që ka humbur gjithçka çdo vlerë morale dhe pastaj peng dhe i sëmurë që i lejon vetës të flasë çdo gjë. Mendon se njerëzit nuk kanë memorie, nxjerr akuza që nuk janë nxjerrë kurrë në 31 vite ndaj Sali Berishës, por unë kuptoj se ai ka ndenjur sust para meje se mund të grushtohej. Në tetë vite unë skam marrë vendim dhe po të dëgjosh avokatin më të zell.'- tha Berisha tek televizioni i familjes së tij.

Po ashtu Berisha ka komentuar edhe komentin me ironi të kryeministrit Edi Rama për 'dy të marrë', referuar përplasjeve të fundit brenda selisë së Partisë Demokratike. Berisha u shpreh se Rama është shqetësuar nga lëvizjet me të fundit, e se ai bashkë me kryedemokratin Lulzim Basha, kanë humbur gjumin. 

“Dëshpërim i tmerrshëm. Jeta ime nuk krahasohet me të Edi Ramës. Qoftë në atë politikë, personal dhe profesional. Ajo që po ndodh e tmerron Edi Ramën. Ka humbur gjumin e qetësinë. Kjo është një lëvizje, më e fuqishmja kundër narkoshtetit. Kjo është lëvizje e jashtëzakonshme. E ka të qartë që është revolucion dhe të merr para nuk pyet,”-tha ai.

Rendit zhvillimet sipas orarit:

Të Fundit Të Parat

M.Q./Shqiptarja.com

TAG:
• edi rama
• lulzim basha
• PD
• sali berisha
• perplasja berisha basha