FT/ Angli 1 - 2 Francë (Kane 54' / Tchouameni 17', Giroud 78')
Franca fitoi 1-2 me Anglinë në çerekfinalet e Kupës së Botës duke treguar se jo më kot janë kampionët në fuqi të turneut. Ndeshja për "Gjelat" nuk ka qenë e lehtë, teksa Tchouameni në minutën e 17 kaloi francezët në avantazh. Kane barazoi me penallti për "Tre Luanët" në minutën e 54 ndërsa ishte Giroud që në të 78 minutë gjeti golin e avantazhit për Francën dhe të biletës për në fazën gjysmëfinale. Maroku është kundërshtari i ardhshëm për Francën, me ndeshjen që luhet të mërkurë në 14 dhjetor në orën 20:00.
Dueli i Dohas nisi më mirë për Francën, me mesfushorin Tchouameni të Real Madrid që shënoi nga 25 metra në minutën e 17. Pickford u duk i papërgatitur në gjuajtjen nga jashtë zone, me sferën që u ndal në rrjetë. Pjesa e parë u mbyll 0-1 për Francën, teksa Anglia protestoi për një penallti të padhënë.
Në pjesën e dytë ishte Kane që nga 11 metra barazoi ndeshjen në minutën e 54. Teksa ndeshja u duk se do shkonte në shtesë, Giroud në minutën e 78 kaloi Francën në avantazh. Të dy golat e Francës erdhën pas pasimeve finale nga Griezmann. Për t'u evidentuar minuta e 84 te Anglia, me Kane që gaboi nga pika e bardhë e penalltisë. Sërish Anglia nuk ia del të shkojë në finalen e një Kupe Bote, teksa në Europianin e fundit u renditën të dytët. Duket se penalltitë janë një makth për "Tre Luanët", teksa Kane me golin e shënuar barazon Rooney në krye të golashënuesve të Anglisë me 53 gola.
VIDEO:
78' / Angli 1-2 Francë. Olivier Giroud shënon golin e dytë të ndeshjes dhe të parin në këtë sfidë. Pas asistit të Griezmann (i dyti këtë ndeshje), Giroud nuk fal me kokë.
84' / Angli 1-2 Francë. Kane gabon nga pika e bardhë e penalltisë. Kapiteni godet keq, me topin që shkon të tribunë. Anglezët humbasin shansin për të barazuar ndeshjen.
Harry Kane ka shënuar golin e 53 me fanellën e Anglisë. Sulmuesi barazon Wayne Rooney në krye të listës së golashënuesve për "Tre Luanët", teksa ka mundësinë për të marrë vendin e parë duke qenë se është në aktivitet. Anglia po barazon 1-1 me Francën në Botëror.
54' / Angli 1-1 Francë. "Tre Luanët" barazojnë ndeshjen me kapitenin Kane. Sulmuesi ndëshkon Lloris në portë nga penalltia. Duelin mes dy lojtarëve të Tottehman e fiton sulmuesi.
Në minutën e 25 të ndeshjes mes Anglisë dhe Francës, kapiteni i "Tre Luanëve", Kane goditet nga pas dhe rrëzohet në zonë. Arbitri Sampaio konsultohet me VAR, teksa teknologjia ka vendosur që mos japë as faull jashtë zone dhe as penallti. Nga pamjet duket se kontakti ekzistonte.
17' / Angli 0-1 Francë. "Gjelat" e Dechamps kalojnë në avantazh pas vetëm 17 minutash lojë me një goditje perfekte nga Tchouameni. Asisti i Griezmann ka bërë që mesfushori i Real Madrid të shënojë një "perlë" nga 25 metra.
Lajme të tjera
-
Inteligjenca artificiale parashikon fituesit e Botërorit deri në vitin 2062
15 Tetor, 16:37 -
Brazili fiton pas katër ndeshjeve, i falet Rodrygos! Suarez një lamtumirë mes lotësh
7 Shtator, 15:41 -
Kupa e Botës/ Dron mbi fushën stërvitore të Brazilit, policia dyshon për spiunazh! Tre të ndaluar
4 Shtator, 22:07 -
Lionel Messi u përlesh me shokun te Argjentina për Antonelën! Papu Gomez 'non grata' në kombëtare
22 Dhjetor 2023, 13:24 -
Lionel Messi: Një vit nga 'çmenduria' më e bukur e karrierës sime
19 Dhjetor 2023, 08:43 -
7.8 milionë dollarë, shiten fanellat që Lionel Messi veshi në finalet e 'Katar 2022'! Michael Jordan mban rekord
15 Dhjetor 2023, 16:53 -
FOTO/ I veshi në Kupën e Botës, fanellat e Lionel Messit kapin çmimin e 'çmendur' në ankand
30 Nëntor 2023, 18:07 -
Angel Di Maria tërhiqet nga Argjentina
24 Nëntor 2023, 16:54 -
VIDEO/Argjentina mposht Brazilin në një ndeshje ku shpërtheu dhunë mes tifozëve
22 Nëntor 2023, 08:46 -
Australia tërhiqet nga gara, Kupa e Botës 2034 shkon në Arabinë Saudite
31 Tetor 2023, 12:56 -
115 mijë vende dhe me vlerë 459 milionë euro, stadiumi spektakolar që do ndërtohet për Kupën e Botës 2030
27 Tetor 2023, 10:58 -
Rama: Shqipëria mbështet Arabinë Saudite për organizimin e Kupës së Botës 2034
6 Tetor 2023, 22:16
