FT/ Kosta Rika 2 - 4 Gjermani (Tejeda 58', Vargas 70' / Gnabry 10', Havertz 73', 85', Fullkrug 90+1')
Gjermania është jashtë Botërorit 2022. Edhe pse skuadra e Flick fitoi 2-4 me Kosta Rikën, humbja 2-1 e Spanjës kundër Japonisë i lë jashtë "Panzzerat". Me katër pikë pas tre ndeshjeve në grupin E të Kupës së Botës, gjermanët i japin lamtumirën kompeticionit më të rëndësishëm në glob, duke dridhur pankinën e Hansi Flick. Pas eleminimit në grupet e Botërorit 2018, edhe këtë event gjermanët nuk kalojnë grupin.
Ndeshja nisi mirë për Gjermaninë që kaloi në avantazh me Gnabry pas 10 minutash lojë. Pjesa e dytë ishte dramatike për gjermanët që u përmbysën nga Tejeda dhe Vargas. Më pas skuadra e Flick reagoi me dopietën e Haverz dhe golin e Fullkrug për rezultatin 2-4.
Pas ndeshjeve të fundit në grupe, Japonia dhe Spanja kalojnë në 1/8 teksa Gjermania si e treta me katër pikë mbetet jashtë, duke i vënë "njollë të zezë" historisë. Në fund Kosta Rika. Në fazën e 1/8 Japonia luan me Kroacinë dhe Spanja me Marokun.
VIDEO:
Renditja:
Gjermania mbeti jashtë Botërorit 2022, duke mos kaluar as grupet. Paçka fitores 2-4 me Kosta Rikën, skuadra e Flick për të dytin Botëror nuk kalon grupet. Pas ndeshjes Thomas Muller ka paralajmëruar lamtumirën.
"Është absolutisht një fatkeqësi! Nuk di nëse do të vazhdoj. Nëse kjo do të ishte ndeshja ime e fundit, atëherë do të doja të them disa fjalë për tifozët gjermanë të futbollit. Ishte një kënaqësi e madhe të dashur njerëz. Kemi kaluar momente të shkëlqyera. Jam përpjekur ta vë zemrën time në fushë në çdo ndeshje. Gjithmonë kam dhënë më të mirën dhe nganjëherë kanë pasur lot gëzimi për shkak të veprimeve të mia. Ndonjëherë edhe dhimbjeje. Por edhe nëse nuk kam pasur sukses në të gjitha gjërat që kam bërë, i kam bërë me dashuri", tha Muller.
85' dhe 90' / Kosta Rika 2-4 Gjermania. Havertz kalon sërish në avantazh Gjermaninë në minutën e 85. Më vonë Fullkrug në të 90+1 minutë dërgon ndeshjen në 2-4. Edhe pse me tri pikë nga ky duel, sërish Gjermania është jashtë Kupës së Botës duke u renditur në vendin e tretë në grupin E.
70' / Kosta Rika 2-1 Gjermania. Vargas shënon në minutën e 70 të ndeshjes. Festa e kostarikanëve zgjat vetëm 3 minuta pasi Havertz barazon ndeshjen në 2-2. Edhe me këtë barazim Gjermania është jashtë Kupës së Botës.
58' / Kosta Rika 1-1 Gjermani. Dramë për skuadrën e Flick, kostarikanët barazojnë ndeshjen në 1-1 dhe turpërojnë gjermanët që janë jashtë Botërorit deri në këto momente. Tejeda dërgon sferën në rrjetë pas pasigurisë së Neuer.
Ndeshja mes Kosta Rikës dhe Gjermanisë është duke u gjykuar nga francezja Stephanie Frappert. Për herë të parë në një Kupë Bote një skuadër vajzash është duke vendosur drejtësi. Ndihmëse të Frappert janë Karem Medina nga Meksika dhe Neuza Back nga Brazili. Ky është një mesazh i qartë nga FIFA drejtuar Katarit për mungesën e të drejtave të njeriut. Të shumta kanë qenë akuzat dhe protestat kundër Katarit edhe për vdekjet e punëtorëve që ndërtuan stadiumet e Botërorit.
10'/ Kosta Rika 0-1 Gjermani. Gnabry shënon me kokë në minutën e 10 për Gjermaninë. Një aksion i bukur nga gjermanët bën që krosimi i Raum të shfrytëzohet bukur nga Gnabry. Gol me shije kualifikimi.
Lajme të tjera
-
Inteligjenca artificiale parashikon fituesit e Botërorit deri në vitin 2062
15 Tetor, 16:37 -
Brazili fiton pas katër ndeshjeve, i falet Rodrygos! Suarez një lamtumirë mes lotësh
7 Shtator, 15:41 -
Kupa e Botës/ Dron mbi fushën stërvitore të Brazilit, policia dyshon për spiunazh! Tre të ndaluar
4 Shtator, 22:07 -
Lionel Messi u përlesh me shokun te Argjentina për Antonelën! Papu Gomez 'non grata' në kombëtare
22 Dhjetor 2023, 13:24 -
Lionel Messi: Një vit nga 'çmenduria' më e bukur e karrierës sime
19 Dhjetor 2023, 08:43 -
7.8 milionë dollarë, shiten fanellat që Lionel Messi veshi në finalet e 'Katar 2022'! Michael Jordan mban rekord
15 Dhjetor 2023, 16:53 -
FOTO/ I veshi në Kupën e Botës, fanellat e Lionel Messit kapin çmimin e 'çmendur' në ankand
30 Nëntor 2023, 18:07 -
Angel Di Maria tërhiqet nga Argjentina
24 Nëntor 2023, 16:54 -
VIDEO/Argjentina mposht Brazilin në një ndeshje ku shpërtheu dhunë mes tifozëve
22 Nëntor 2023, 08:46 -
Australia tërhiqet nga gara, Kupa e Botës 2034 shkon në Arabinë Saudite
31 Tetor 2023, 12:56 -
115 mijë vende dhe me vlerë 459 milionë euro, stadiumi spektakolar që do ndërtohet për Kupën e Botës 2030
27 Tetor 2023, 10:58 -
Rama: Shqipëria mbështet Arabinë Saudite për organizimin e Kupës së Botës 2034
6 Tetor 2023, 22:16
