Kërcënohet polici në detyrë! Babai i të arrestuarit në protestën e Berishës: Po s'më nxorre djalin nga burgu, do të zhduk fëmijët

TIRANË- Një agjent policie denoncon se është kërcënuar gjatë hetimeve për protesten e 8 janarit të mbajtur në selinë e PD.

Siç bëjnë me dije burimet, Alket Pashaj shpjegon se mbasi arrestoi protestuesin Stivi Luku, efektivi u telefonua nga babai i të riut.

‘Ai më telefonoi në numrin e punës mbasi unë kisha kryer veprimet proceduriale dhe më tha ; Alket Pashaj nuk e ke idenë në çfare sikleti i ke futur fëmijët e tu. Po nuk më nxore djalin tani nga burgu unë do të zhduk ty dhe fëmijët e tu” thotë oficeri i policisë në kallëzim.

LEXO EDHE:
Ylli Pata: 8 janari mes Gaz Bardhit, Salianjit e Sali Berishës!

Policia mbasi i pyeti të gjitha palët është e bindur se oficeri u telefonua për tu shantazhuar.

I vënë nën presion nga ky shtetas që e ka paralajmëruar se do ta gjente kudo që të ishte, oficeri i ka treguar se ndodhej në krye të detyrës dhe se kërcënuesi mund të paraqitej në drejtorinë vendore Tiranë. Me kërkesën që ti nxirrte djalin nga policia , të njejtat kërcënime Gazmir Luku ia ka shqiptuar edhe përballë.

Pasi gjykata i ka liruar të gjithë, babai i të arrestuarit siç thotë oficeri Alket Pashaj u telefonua përsëri jo vetëm duke u kërcënuar por edhe duke u ironizuar.

“Djalin tim e nxora nga burgu , prandaj gjej vend dhe futu se ta di shtëpinë dhe fëmijët ku i ke” , i shkroi mbas vendimit të gjykatës babai i protestuesit të 8 janarit.

Por shtetasi Gazmir Luku këmbëngul se mbasi e pyeti oficerin se përse ja kishte arrestuar të birin , polici iu përgjigj; “Kështu kam dashur” , ndaj kjo fjali e ka shtyrë t’i shkruajë në telefon./TCH

B.K./Shqiptarja.com

TAG:
• Alket Pashaj
• 8 janari i berishes