Kina ul nivelin e alarmit nga koronavirusi në 16 provinca. Vdes nga infeksioni edhe këshilltari i Liderit Suprem Khameneit në Iran

Kina ka ulur nivelin e alarmit nga koronavirusi në 16 provinca përreth qytetit të Wuhan, epiqendër e shpërthimit të epidemisë. 

Përveç 42 vdekjeve të reja Kina ka raportuar edhe 202 infeksione të tjera që shtohen të totalin prej rreth 80.000, nga të cilat 32.000 janë akoma nën trajtim kurse afërsisht 44 500 janë shëruar. 

Sfida është e njëjtë për të gjithë, ndërsa 87,000 njerëz janë të infektuar në gjithë botën dhe numri i të vdekurve ka shkuar në mbi 3,000

Në Iran, sipas shifrave zyrtare, të cilat duhen marë me shumë rezervë, ka 150 viktima mes të cilëve edhe një këshilltar i Khamenei, Mohammad Mirmohammadi, 71 vjeç zyrtari i parë që humb jetën nga koronavirusi në Republikën Islamike.

Lajmi kryesor:

Koronavirusi/Autoritetet në Itali: 52 viktima, emergjenca edhe një javë. Në 65 shtete më shumë se 3000 të vdekur në botë. Panik në New York (VIDEO)

TAG:
• Koronavirus