Klima konfliktuale, alibia e fundit për të justifikuar humbjen

Klima konfliktuale, alibia e fundit për të justifikuar humbjen

Databaza e patronazhistëve të PD dhe selia e PD

Ka disa ditë që opozita po artikulohej se zgjedhjet në Shqipëri po zhvillohen në kushte anormaliteti. Ndonëse jo me argumentimin përkatës se çfarë perceptojnë si anormalitet, përdoret shpesh si shembull çështja e “patronazhistëve” e shoqëruar kjo me debatin mbi të dhënat personale. Kjo çështje natyrisht që kërkon një debat dhe investigim më të gjerë, por është amorale që gishti të drejtohet vetën në një drejtim. Prej kohësh është theksuar se të gjitha partitë kryesore kanë një database të të dhënave mbi qytetarët dhe prirjen e votës. Fakti që në një media, në rastin konkret ne Report Tv, publikohet database i PD me të dhënat mbi qytetarët, dëshmon se pikërisht se ky shembull anormaliteti qëndron tek të gjithë lojtarët kryesorë të politikës, dhe aspak e veçuar siç u munduan ta kanalizojnë. E thënë ndryshe, anormaliteti, nëse e quajmë të tillë, është shndërruar në normë e të gjithëve.

Ajo që mbetet në fund të gjithë këtyre pozave që të keqen e shohin vetëm te kundërshtari, është mungesa e moralit përballë qytetarëve. Deri më tani fushata po zhvillohej me tone të qeta dhe kjo nuk i shkon për mbarë tezës së anormalitetit. Opozita nëpërmjet kësaj strategjie arriti të rikuperojë shumë nga kuotat e ulëta që vlerësohej në fillim të fushatës. Atëherë çfarë ka ndryshuar që të ndryshohet diskurs në deklaratat e liderëve të saj dhe përse u nxitua të përdorej me aq ngulm një incident banal e periferik në Kavajë?  Ngritja e alarmit për të veshur këtë incident me petk politik e të porositur madje nga vetë Rama, nuk është e moralshme dhe as i shërben klimës së zgjedhjeve. Nuk i shërben madje as vetë

PD për formën e qetë me të cilën ka zhvilluar fushatën dhe që ka shtuar pikët deri më tani. Pasi me idenë e krijimit të një klime iluzive të konfliktit thjesht do të ulte pjesëmarrjen në zgjedhje të qytetarëve, çka në vetvete nuk besoj se i intereson PD. I vetmi shpjegim pse kërkon të stimulosh një klimë konfliktuale është nëse këtë do ta përdorësh si alibi për një humbje të nesërme. Për ta përdorur si spirancë justifikuese dhe si alibi se maxhoranca përdori presionin për të arritur fitoren. Se si është e vërteta këtë do ta shpjegojë vetë sjella e opozitës në ditët e mbetura para 25 prillit. Pra, nëse ishte thjesht një lëshim nervash nga trysnia e fushatës për akuzat e paqëna të tensionit dhe do të vijojë me të njëjtën fushatë të qetë të deritanishme? Apo stretegjia e saj ka ndryshuar pikërisht pse nuk po sheh më shenja rritjeje dhe e ka pushtuar nervozizmi…

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Ambasadori i Rumanisë: Shqipëria punë të mirë për kapitujt e integrimit! Reforma në drejtësi të jetë në ‘shërbim’ të shqiptarëve

Ambasadori i Rumanisë: Shqipëria punë të mirë për kapitujt e integrimit! Reforma në drejtësi të jetë në ‘shërbim’ të shqiptarëve