POP 5

Lajmet më të lexuara të 5 minutave të fundit

Arkiva

Koka: Berisha, krim mjedisor me HEC-et

Ministri i Mjedisit Lefter Koka deklaroi dje se “dhënia e lejeve për ndërtimin HEC-ve në kohën e qeverisë “Berisha”, është një krim mjedisor”. I thirrur në Komisionin Kuvendor për Veprimtarinë Prodhuese, Tregtinë e Mjedisin për diskutimin rreth projektligjit “Për administrimin e Fondit Pyjor e Kullosor Kombëtar në Republikën e Shqipërisë”, Koka deklaroi se qeveria paraardhëse dha leje për ndërtimin e 435 HEC-eve, që sollën shpyllëzimin e një sipërfaqeje të konsiderueshme pyjore. Madje, ai shtoi se subjektet kontraktuese s’patën një marrëveshje për rehabilitimin e zonave të shpyllëzuara. “Po në vitet 2007–2013, qeveria shqiptare dha leje për ndërtimin e plot 435 HEC-ve. Këto HEC-e shpyllëzuan sipërfaqe të konsiderueshme pyjore e subjektet s’patën marrëveshje me Ministrinë e Mjedisit për rehabilitimin e tyre”, deklaroi kreu i Ministrisë së Mjedisit. Ai nënvizoi se nën drejtimin e tij, Ministria e Mjedisit ka patur kontakte me këto subjekte, e me disa prej tyre ka arritur të lidhë marrëveshje për rehabilitimin e sipërfaqeve të shpyllëzuara.

Për të pasqyruar më tej dëmtimin e mjedisit në kohën e qeverisjes “Berisha”, Koka foli përmes shifrave. Ai tha se nga viti 2005 deri në vitin 2013 janë dhënë 2.676 leje për shfrytëzimin e pyjeve, ndërsa nga viti 2014 deri më 2015 janë dhënë vetëm 24 leje. “Nëse gjatë viteve 2010-2013 janë eksportuar mbi 18,000 ton qymyr druri gjatë viteve 2014-2015 janë dhënë 0 leje eksporti për qymyr druri”, tha ai. Sipas Kokës, u ul ndjeshëm dhe shfrytëzimin vjetor i pyjeve.

“Nga 2005-2013 mundësia vjetore e shfrytëzimit e miratuar nga Ministria e Mjedisit mesatarisht 124,863 m3/vit, për vitet 2014-2015 ka qenë 32,200 m3, për vitin 2015 ka qenë vetëm 12,000 m3”, tha Ministri. Ai e cilësoi moratoriumin 10 vjeçar për pyjet si “emergjencë”.

Deputetja e PD Mimoza Hajdarmataj e cilësoi mungesë vizioni shkurtimin e personelit që kujdeset për mirëmbajtjen e sipërfaqeve të shpyllëzuara. Por, kryetari i komisionit, Eduart Shalsi tha se ulja e numrit të punëtorëve s’do thotë domosdoshmërish një mungesë vizioni dhe e vuri theksin te ngritja e strukturave. Argument i mbështetur dhe nga ministri i Mjedisit. Shalsi tha se janë ngritur struktura më funksionale për mbrojtjen dhe monitorimin e pyjeve, me logjistikë dhe pajisje të posaçme.
 
Në vitet 2007–2013, qeveria shqiptare dha leje për ndërtimin e plot 435 HEC-ve. Ku u shpyllëzuan sipërfaqe të konsiderueshme pyjore

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Lituania njofton paketën e re të ndihmës ushtarake për Ukrainën

25 Nëntor, 08:21