Kriza në blegtori u thellua më tej në vitin 2023. Shifrat zyrtare tregojnë se numri i gjedhëve ku përfshihen edhe lopët ra në 263 mijë krerë nga 298 mijë krerë në vitin 2022. E njëjta ka ndodhur edhe me numrin e deleve dhe të dhive, pasi fermat janë tkurrur me afro 130 mijë krerë. E gjithë kjo situatë ka sjellë rënie të prodhimeve blegtorale, e për pasojë ka shkaktuar rritje të fortë të çmimeve të produkteve të mishit dhe bulmetit.
Referuar raportit të INSTAT, vitin e kaluar u prodhuan 901 mijë tonë qumësht nga 970 mijë tonë që ishte prodhimi në vitin 2022. Ndërsa pesha e mishit të gjallë është tkurrur me 5 mijë tonë nga viti 2022 në 2023-shin.
Si rezultat i uljes së sasisë së qumështit të prodhuar, çmimet vijojnë të jenë të larta ku një litër po tregtohet deri në 200 lekë, po ashtu edhe për kosin. Ndërsa çmimi i djathit nis nga 600 lekë e lartë, kurse mishi i vicit ka mbetur në vlerën 1200 lekë/kg.
Ndërsa në një dekadë numri i krerëve të lopëve, deleve e dhive është ulur me 677 mijë krerë. Shkak për këtë rënie të fortë të blegtorisë sipas ekspertëve është bërë mbështetja financiare e ulët e fermerëve, favorizimi i importit dhe nga ana tjetër edhe shpopullimi i zonave rurale.
Prej vitesh ky sektor kërkon që subvencionimi i blegtorëve të mos bëhet për krerë bagëtish por për çdo litër qumësht. Por kjo kërkesë ka rënë në vesh të shurdhët.
Aktualisht të gjithë blegtorët marrin 1200 lekë për krerë delesh apo dhish, dhe marrin 10 mijë lekë për çdo lopë. Boshllëku i madh që po krijohet me prodhimet blegtorale, po mbulohet me importin që po konkurron tashmë prodhimin vendas masivisht nëpër markete.
Nga viti 2020 e deri në fund të muajit prill të këtij viti vendi ka importuar nga jashtë kafshë të gjalla me vlerë 19,8 miliardë lekë ose afro 194 milionë euro, shifër e cila po rritet me ritme të shpejta si rezultat i tkurrjes së tufave në vend.
Lajme të tjera
-
Mbi 31 mijë të huaj hynë çdo ditë në Shqipëri gjatë majit, 973 mijë turistë! Bumi zhvlerëson valutat, euro zbret në 100.2 lekë
24 Qershor, 16:56
-
Burrat shqiptarë shkojnë në aktivitete kulturore më shumë se gratë
23 Qershor, 07:57 -
Viti akademik 2023-2024, INSTAT: Arkitektura dhe ndërtimi dega e preferuar, rreth 6 mijë të regjistruar! Mes studentëve shqiptar edhe italian
22 Qershor, 17:33 -
Turizmi, të huajt 'vërshojnë' drejt Shqipërisë, net-qëndrimet në hotele u rritën me 74.5%
20 Qershor, 07:24 -
Paga 1,000 euro/ Nuk gjenden punonjës edhe në blegtori, fermat po kërkojnë stallier
19 Qershor, 08:18 -
Eksportet i rikthehen rënies, u tkurrën me 12.4% në maj! U shitën më pak tekstile dhe produkte ushqimore
18 Qershor, 15:02 -
S'ndalen pasojat e nëndeklarimit! Mbi 55% e punonjësve nuk arrijnë pagën mesatare! Shtohen ata me rroga minimale
17 Qershor, 15:09
-
Paga mesatare bruto 73 mijë lekë, thellohet diferenca mes rrogave në shtet dhe atyre në privat! Në sektorin jo publik 68 mijë lekë, shkak nëndeklarimi
12 Qershor, 15:40
-
S’ka fonde për të gjithë fermerët! Raporti i Ministrisë: Më buxhetin që kemi mbulojmë vetëm 35% të kërkesave për naftë pa taksa
11 Qershor, 13:22
-
Ndalon rënia! Inflacioni rritet për herë të parë këtë vit, shtrenjtohen ushqimet, qiratë dhe energjia elektrike
10 Qershor, 14:57
-
Shqipëria vijon të ketë turistë ‘të lirë’! Të ardhurat në janar-mars nga turizmi arritën 788 mln euro, por një i huaj shpenzoi më pak se vjet
10 Qershor, 12:01
-
Malli i importit më i lirë, shtrenjtohet prodhimi vendas
6 Qershor, 15:52
