Kryemadhi thirrje qytetarëve jashtë Kuvendit: Bashkohuni të rrëzojmë monstrën!

Kryetarja e LSI, Monika Kryemadhi, ju ka bërë thirrje të gjithë qytetarëve shqiptarë të bashkohen më 26 maj në shesh, në protestën e opozitës kundër qeverisë.

Jashtë dyerve të Kuvendit, pas largimit të opozitës nga seanca plenare, Kryemadhi deklaroi se shqiptarët nuk kanë më shpresë dhe të ardhme me këtë monstër të prodhuar nga bandat dhe trafiku i drogës, ndërsa shtoi se Rama ka mbetur totalisht i vetëm.

Të gjithë e shikojmë se nuk ka asnjë lloj shprese për të pasur se kjo mazhorancë e kapur mund të ndryshojë. Kjo mazhorancë ka frikë nga çdo gjë që jo vetëm e dëshirojnë deputetët e opozitës, por edhe për ato që dëshirojnë qytetarët. Sot tregoi sërish se nuk ka më shpresë për qytetarët shqiptarë.

Nuk ka më shpresë dhe të ardhme me këtë monstër të prodhuar nga bandat dhe trafiku i drogës, që kanë denigruar dhe depersonalizuar qytetarët. Sot ngjarja në Kuvend tregon se nuk ka më asnjë zgjidhje, por e vetmja është jo etëm dalja në rrugë, por përmbushja e çdo segmenti kriminal që ka uzurpuar institucionet tona.

Rama ka mbetur vetëm, një tellall i dalë boje. Është i vetëm jo vetëm në kauzën e tij narkomane, por edhe në përballjen me drejtësinë, që do ta bëjnë shqiptarët. Mos ndaloni dhe ju gazetarët në asnjë moment që të vazhdoni thirrjen për shqiptarët, që më 26 maj të jenë në bulevardi për t'i thënë Ramës se janë kundër qeverisë së drogës. Protesta është atje, ne udhëhiqemi nga qytetarët. Ne jemi peng i qytetarëve, do bëjmë ç’të na kërkojnë ata.

Monika Kryemadhi, kryetare e LSI

LEXO EDHE:
Basha, ta bëjë apo mos ta bëjë Partinë e tij?!

TAG:
• lulzim basha
• seanca e kuvendit 24 maj

Sondazhi i ditës:

A duhet të lejohet mjeku të punojë njëkohësisht në spital publik e privat?

• Po

  12.3%

• Jo

  83.7%

• Nuk e di

  4%

Vota total: 3914

Votat totale janë unike

• Sondazhi i ditës:

  A duhet të lejohet mjeku të punojë njëkohësisht në spital publik e privat?

  Po Jo Nuk e di