Planet e qeverisë britanike për të kufizuar të drejtat e emigrantëve që të kërkojnë azil mund të shkaktojnë kolaps në sistemin e mbrojtjes ndërkombëtare për refugjatët. Përfaqësuesja e Britanisë në OKB, Vicky Tennant foli në Komitetin e Përbashkët duke ngritur shqetësimet serioze në lidhje me implikimet e projektligjit që qeveria britanike do të kalojë në parlament.
Teksa po përballen me rritjen e shifrave të emigrantëve që kalojnë kanalin e La Manshit për një jetë më të mirë në Britani, qeveria po merr masa të rrepta. Projektligji i Sunak dhe Braverman synon të pengojë njerëzit që hyjnë në mënyrë ilegale në Britani. Kryeministri britanik Rishi Sunak e ka bërë të qartë se çdo emigrant që hynë në Britaninë e Madhe në mënyrë të paligjshme, nuk do mund të përfitojë azil. Ata thonë se do të ketë kufizim për numrin e njerëzve që do të marrin azil.
Tennant paralajmëroi se projektligji mund të shkaktojë "efekt domino" në vendet e tjera. Ajo shtoi se në Konventën e Refugjatë është një kornizë që thotë se shtetet bien dakord të bashkëpunojnë me njëri-tjetrin dhe të ndajnë përgjegjësinë për emigrantët.
“Po ecën potencialisht drejt kolapsit të këtij sistemi ndërkombëtar, i cili nuk është në interesin e askujt. Do të përbënte një precedent vërtet fatkeq. Ju e shihni Britaninë e Madhe që tërhiqet nga përgjegjësitë e saj… Kjo po vëzhgohet, ka një ndikim, ka pasoja, kjo është shumë shqetësuese. Ne kemi një profil njerëzish që kalojnë në Kanalin e La Manshit. Projektligji në thelb po shuan të drejtën e tyre për azil”, tha Tennant.
Ministrat kanë thënë se projektligji do t'i pengojë të kërkojnë azil emigrantët që mbërrijnë me gomone, por Tennant shprehu dyshime se si do të realizohej si pengesë për ta.
Ajo i kërkoi qeverisë që në vend të kësaj të shikonte më shpejt përpunimin e kërkesave dhe vendosjen e marrëveshjeve për personat që nuk kanë një kërkesë të vlefshme për azil, që të ktheheshin në vendin e tyre nëse është i sigurt.
Qeveria e Rishi Sunak ka hartuar një ligj të ri për emigrantët, të cilët nëse futen në Britani të Madhe në mënyrë ilegale do t’i kthejnë brenda disa javësh në atdheun e tyre, ose në vende të treta si Ruanda. Ndërkohë, emigrantëve të paligjshëm që kthehen do t’iu ndalohet përgjithmonë hyrja në Britani. Një ligj i tillë prek edhe emigrantët shqiptarë, të cilët shkojnë në Britani përmes rrugëve të paligjshme, kryesisht me gomone.
Çështja e emigrimit të shqiptarëve në drejt Britanisë së Madhe pati nxitur një debat të madh, për shkak të deklaratës së ashpër të sekretares së Brendshme Britanike Suella Braverman, e cila i cilësoi shqiptarët që shkojnë drejt Britanisë me gomone, si kriminelë dhe pushtues. Kjo nxiti edhe reagimin e madh nga ana e shqiptarëve në Britani të Madhe, të cilët organizuan edhe protestë të madhe në Londër, ku i kërkuan që Braverman të kërkonte ndjesë për deklaratën.
Lajme të tjera
-
Stuhia ‘Bert’ godet Mbretërinë e Bashkuar! Konfirmohet viktima e parë
23 Nëntor, 16:51 -
Reduktohet personeli Italian në qendrat e emigrantëve në Lezhë, fillojnë rikthimet në Itali
23 Nëntor, 09:58 -
'Gati shqipe', turi me diasporën, Rama nesër takim me shqiptarët e Londrës! Pamje nga salla
23 Nëntor, 07:32 -
Zbulohen detajet e testamentit të Liam Payne, kush do ta trashëgojë pjesën më të madhe të pasurisë së tij?
22 Nëntor, 14:49 -
U fsheh në Spanjë pas arratisë, ekstradohet në Angli 46-vjeçari shqiptar! Kreu i NCA: Trafikonte klandestinë nga Franca dhe Belgjika, siguronte pajisjet për organizatën (EMRI)
21 Nëntor, 22:15 -
VIDEO/ ‘Të futemi përpara se të marrë detyrën Trump’, mijëra emigrantë vërshojnë drejt SHBA-së
21 Nëntor, 17:23 -
Cilat vende e kanë ndaluar TikTok-un dhe pse?
20 Nëntor, 22:33 -
Marrëveshja me Italinë për emigrantët, avokati Hasani për Report Tv: Nuk dihet nëse do të funksionojë! Qeveria britanike po shqyrton paktin e mëparshëm me Shqipërinë
20 Nëntor, 12:23 -
Berisha kërkon vota nga shqiptarët në Angli, vendin që e shpalli ‘Non Grata’: Keni rol në fitoren e opozitës, Ramën në Londër priteni me vezë dhe domate
17 Nëntor, 20:04 -
Dëbimi i emigrantëve të paligjshëm nga SHBA, 'The Sun': Trump po shikon skemën e Ruandës që u hartua nga qeveria e kaluar britanike
17 Nëntor, 08:35 -
Angli/ Pjesë e një rrjeti të shitjes së kokainës, 2 shqiptarët e arrestuar dënohen me rreth 8 vite burg në total! Kthyen banesën në bazë droge (EMRA+VIDEO)
15 Nëntor, 21:49 -
Banka Qendrore e Anglisë, thirrje për afrim me Bashkimin Evropian
15 Nëntor, 08:29
