POP 5

Lajmet më të lexuara të 5 minutave të fundit

Kronikë

Kërkon rigjykim për vrasjen e Azem Hajdarit, Izet Haxhia përpara Apelit në 21 nëntor

Në gjyqin për vrasjen e Azem Hajdarit, ngjarje e ndodhur në 12 shtator 1998, Izet Haxhia është akuzuar si bashkëpunëtor, si njeriu që ndihmoi Fatmir Haklajn të ekzekutonte ish-deputetin e PD.

Kërkon rigjykim për vrasjen e Azem Hajdarit, Izet Haxhia përpara Apelit në 21 nëntor

Izet Haxhia përpara Gjykatës së Tiranës

TIRANE - Gjykata e Apelit të Tiranës ka caktuar datën 21 nëntor për mbajtjen e seancës ku do të shqyrtohet kërkesa e Izet Haxhisë për rigjykim për dosjen "Azem Hajdari". 

Shorti i Gjykatës ka caktuar si trupë gjykatësit Valdete Hoxha relatore, Astrit Haxhialushi, Genti Shala. 

Izet Haxhia, i dënuar me 25 vite burg si bashkëpunëtor në vrasjen e Azem Hajdarit, kërkon rigjykim pasi pretendon se i janë shkelur të drejtat në një gjykim i cili është zhvilluar në mungesë dhe sipas tij, pa prova. Izet Haxhia u ekstradua nga Turqia në Shqipëri në maj të këtij viti për t'u përballur me dënimin çerekshekullor dhe akuzat e drejtësisë shqiptare për "vrasjen e shekullit". 

Izet Haxhia u arrestua në vitin 2006 në Turqi, por drejtësia turke nuk ishte shprehur ende për ekstradimin e tij, ndonëse pala shqiptare kishte bërë kerkesa të vazhdueshme në kohën kur në pushtet ishte Sali Berisha. Për 12 vjet me radhë gjykata turke kishte urdhëruar thjesht që ai të mos largohej jashtë vendit, ndërsa në shkurt të këtij viti befas u mor vendimi që ai të ekstradohet.

Vetë ish-kryeministri Sali Berisha e ka cilësuar ish-njeriun e tij të besuar se është ai vrasësi i Azem Hajdarit, sëbashku me Fatmir Haklajn dhe Jaho Mulosmanin. Ndërsa nga ana tjetër, Izet Haxhia kërkon të zbulohet personi që nxori Azem Hajdarin nga selia e PD mbrëmjen e 12 shtator, duke hedhur dyshime të forta te ish-kryetari i PD, Sali Berisha. 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sinqeritet: 19/10/2018 06:50

    Haklajt a e kane kopjen e kasetes te bisedes Azem Hajdari Fatmir Haklaj ne momentin para vrasjes? Kjo eshte prova e pare. Kush e nxorri Azemin jashte? Vete, apo u shtyu nga dikush? E sigurte eshte qe Azemi nuk e dinte qe Fatmiri ishte ne makine.Dikush tjeter e dinte. C'fare i kane thene Azemit,dhe pse e lane te dale qofte dhe me badigarde,kur kuptoheshe qe situata, mund te ishte me pasoja?Ishte deputet dhe aty duhet te operonte policia. Dihej karakteri i rrembyer i Azemit, por te tjeret,(nuk ka qene nje) me te pjekur, me te qete jo vetem qe s'e ndaluan por me nje keqdashje kane armatosur badigardet dhe e kane shtyre,nder kohe qe ka dispozita te vecanta per mbrojtjen e jetes te deputetit.Llogjika pranon, ka qene urdher i padrejte(kur mund te mendoheshin pasojat),madhor dhe c'fare eshe me keqdashese nuk i kane treguar qe eshte Fatmiri.Ky eshte nje kurth,nje shitje.Ishte plotesisht e eleminueshme.

    Përgjigju
  • Sondazhi i ditës:

    A respektohen të drejtat e punëtorëve në Shqipëri?

Lajme të tjera



×

Lajmi i fundit

'Kolegët e SPAK', gazetari Bregu: Veliaj nuk sulmoi drejtësinë, ka ndikim të madh te ambasadorët

'Kolegët e SPAK', gazetari Bregu: Veliaj nuk sulmoi drejtësinë, ka ndikim të madh te ambasadorët

2 Maj, 22:15