“Sheshi Skënderbej”, Veliaj: Do
hapen 1 mijë vende të reja pune

TIRANË- Kryebashkiaku i Tiranës Erion Veliaj ka prezantuar këtë të martë në dëgjesën e parë publike me qytetarët projektin për ndërtimin e “Sheshit Skënderbej” në kryeqytet. Sipas Veliajt, sheshi kryesor i Tiranës, do të jetë hapësira më e madhe publike e cila do të shërbejë si një maskë oksigjeni për qytetarët.

“Ashtu si një trup që ka nevojë të oksigjenohet, ashtu edhe sheshi është maska e oksigjenit, një hapësirë pedonale, pa makina,” tha ai. Ashtu siç është shprehur dhe më herët, kreu i Bashkisë ritheksoi edhe sot që Sheshi Skënderbej është një projekt kombëtar, për ndërtimin e të cilit do të përdoren elementë të ndryshëm nga të gjitha trojet shqiptare.

Padyshim, gjelbërimi është ajo që do të mbizotërojë në këtë shesh i cili do të marrë pamjen e një miniparku, tha Veliaj, duke shtuar se në të do të mbillen  35 mijë lule, 1 mijë pemë dekorative, 500 pemë frutore, 1 mijë shkurrre të larta.

Kryebashkiaku u shpreh i bindur se do t’i shkojë deri në fund këtij projekti, pavarësisht kundërshtive që mund të dalin gjatë rrugës, duke theksuar se dëgjesa me qytetarët do të zhvillohen në 24 njësitë administrative të Tiranës. 

Një tjetër lajm i mirë që vjen për qytetarët, sipas Veliajt është punësimi.

“Sheshi Skënderbej” do të jetë kantieri më i madh i punësimit në Tiranë. 950-1 mijë qytetarë, do të mund të punësohen aty nga qershori deri në qershor të vitit që vjen kur edhe pritet të përfundojë projekti." tha kreu i Bashkisë.



Rama: Sheshi ekzistues një zgjidhje shkel e shko
Në fjalën e tij në prezantimin e projektit për "Sheshin Skëndërbej" në cilësinë e ish-kryebashkiakut të Tiranës, kryeministri Rama tha se kryeqyteti nuk ka një shesh kryesor, por një zgjidhje shkel e shko për të siguruar kalimin e makinave dhe këmbësorëve.

“Sheshi është vendi që e bën një bashkësi individësh një komunitet. Sheshi është vendi që i bën fëmijët e një vendbanimi ta perceptojnë njëri-tjetrin si pjesë e jetës së tyre. Një qytet pa shesh si Tirana është në fakt një qytet pa komunitet. Në vend të një sheshi ne kemi një zgjidhje shkel e shko për të siguruar kalimin e makinave dhe një udhëkryq ku njerëzit nuk kanë asnjë sekondë për të qëndruar, por duhet të vrapojnë për të kaluar, ndërsa makinat presin të vazhdojnë rrugën”, tha Rama.

Rama tha se pavarësisht kritikave për prjektet e rilindjes kombëtare qeveria ka një zgjidhje për atë që quhet zemra e kryeqytetit.

"I pari aktivitet që unë jam i pranishëm nga Bashkia sepse është një projekt me rëndësi në zemër të Shqipërisë Tiranës dhe zemra e shqiptarëve. Bëhet fjalë për vazhdimin jo pasiv por krijues të një projekti qtë nisur vite më parë që Tirana të ketë një shesh i cili në hapësirën e tij tu ofrojë banorëve një pikë referimi të palëvizshme. Ka ndodhur që projekti ynë të kritikohet pse ne po transformojmë sheshet e qyteteve, në dritshkurtësinë. njerëzit nuk përfitojnë ekonomikisht, në fakt historia njeh vetëm një rast kur qeveria dhe vendimarrja për të financuar zhvillimin e komuniteteve u fokusua te asfalti ëhstë shqipëria e tranzicionit mendësia e të cilit kulmoi për keq në qeverinë e kaluar," deklaroi kryeministri.