Liliana vdiq vetëm 66 vjeç! Në Fier! E ngrirë

Ndërsa Fieri mburret përditë me ndërtesat, rrugët, urat, shkollat (dhe mirë bën), Liliana Sema, 66 vjeç luftonte përditë për të mbijetuar derisa vdiq. E ngrirë, në shtëpinë-barrakë, ku në një kënd mbante librezën e energjisë elektrike me pagesat e pamundura për shkak të varfërisë. Të afërmit e gjetën ashtu, pa zjarr, me furnelën e vogël elektrike që nuk mund ta ndizte dot.

Nuk ka asgjë të keqe të mburremi për arritjet, gjërat e bukura që bëjmë në një qytet, por asgjë nuk ka vlerë nëse humbim humanizmin dhe ndjeshmërinë. Ndjeshmëria nuk është ajo që trumbetohet si lëmoshë: më jep a të jap lekë, lekë,lekë, apo qeset me ushqime të fotografuara bukur e të shpërndara në social media, as shoqatat fetare që bëjnë garë se kush duket më mirë në ngjyrat e qeseve që shpërndajnë, veprime që mbushin stomakun e të varfërve vetëm për pak ditë, ndërsa pasurojnë me fonde milionash organizata e OJF. Ndjeshmëria është logjika, arsyetimi dhe puna e palodhur dhe sistematike e një shteti përballë njerëzve të brishtë dhe në nevojë, humbja e kohës dhe durimi nga djemtë dhe vajzat tona më të mirë për t’i dëgjuar dhe evidentuar për t’i ndihmuar sistematikisht.

Një i moshuar, një pensionist, pas një jete të kaluar në një sistem diktatorial e të padrejtë, me pensionet që nuk mjaftojnë as për të paguar ilaçet e sëmundjeve të pleqërisë, nuk duhet të lihet sot vetëm nga shteti. Shumë të moshuar shqiptarë kanë fatin të kenë si mbështetje familjet, por eksperiencat e vendeve më të civilizuara tregojnë se edhe familjet shpesh rrënohen për arsye nga më të ndryshmet ekonomike dhe sociale. Për këtë arsye një i moshuar nuk mund të “braktiset” dhe të lihet në mëshirënas të familjarëve. Krahas godinave, rrugëve, dritave që shkëlqejnë qytetet tona, duhet të ngrohet zemra e punonjësve socialë që të punojnë me pasion dhe durim me njerëzit e brishtë. Eshtë një detyrim i të gjithëve që gjërat të na shkojnë nëse duam, mbarë.

a.m./K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • alba: 31/01/2022 06:56

    Ne kete rast ka faj kryeplaku i fshatit i cili duhej te sigurohej se pleqte e te pamundurit ne keto kushte te veshtira natyrore kane ngrohje,ushqim e ilace dhe nese nuk i kane duhej te kontaktonte organet kompetente , organizatat humanitare apo te mobilizonte komunitetin .te mos flasim per femijet , fqinjet e te afermit te cilet duhej te kishin ndihmuar.Eshte absurd te pritet qe edi rama te dije se ne c'gjendje eshte nje e vobekte ne nje fshat te cilit nuk ia di asnjeri emrin kur vete komuniteti i fshatit nuk interesohet .shqiptari e ka patur tradite te kujdesej fshatce per te vetmuarit .

    Përgjigju
  • Mario: 28/01/2022 15:00

    Znj. Malltezi, shpesh futesh ne ate analizen emocionale duke ia drejtuar cdo faj qeverise, por problemi ketu eshte edhe familjar. Ku ishte familja e afert qe nga vellezerit e motrat qe i kishte afer dhe e dinin situaten e ti afronin te pakten nje strehe te ngrohte per disa dite sa te binte i ftohti, por edhe femijet te cilet duket i ka te rritur? Shteti ka pjesen e vete, por duhet te kuptojme se me ato kushte ku jetonte ajo e kishin braktisur edhe familjaret te cilet nuk e ndihmuan kur duhej, por tani dalin e ankohen per qeverine apo per kompanine elektrike.

    Përgjigju
  • Berti: 28/01/2022 13:25

    Edhe Migjeni do ishte tromaksur. Thua ndaj kujt do ta drejtonte gishtin e kritikes? Qeverisjes se keqe dhe papergjegjshme apo do ta linte jetim sa kohe qe kritika censurohet kur eshte ndaj "Atij"?

    Përgjigju
  • Sondazhi i ditës:

    Si e organizoi Shqipëria finalen e Conference League?



×

Lajmi i fundit

John

Ben Blushi: A po lodhemi ne nga Evropa apo Ballkani po harrohet në sirtare?!