Lirimi i Viktor Ymerit! Vetë prokurori i njohu ditë e punës në burg, por çuditërisht bëri apelimin

Për lirimin nga burgu i Peqinit të Viktor Ymerit nga Vlora, dajës së Edison Harizaj, ka qenë dakort dhe prokurori i çështjes Mustafa Turku, por çuditërisht në ditët në vijim, prokurori ka proceduar me apelim të vendimin të gjykatës së Elbasanit, e cila i kishte njohur ditët e punës në burg, që përllogariteshin në ulje të dënimin me 5 muaj e 16 ditë burg. Qëndrimi i prokurorit Turku në sallën e gjyqit, për lirimin e Viktor Ymerit është pasqyruar dhe në vendimin e gjykatës së Elbasanit, e cila prej ditës së sotme ka zbardhur në 10 faqe argumentet konkrete, se pse duhej të lirohej Viktor Ymeri, i dënuar për tre vrasje, dy në Durrës dhe një në Itali.

Në 14 nëntor 2018 Gjykata e Apelit Durrës rrëzoi burgimin përjetë të Viktor Ymerit dhe e dënoi atë përfundimisht me 25 vite burgim për vrasjen e Arben Pajës dhe Ilir Xhungës në vitin 1999 në Durrës. Ndërkohë një dënim tjetër ka mbërritur nga gjykata e Romës në Shqipëri dhe është njohur nga gjykata e Elbasanit, ku Viktor Ymeri (Imeraj) është dënuar me 24 vite burg për vrasjen e Gëzim Muçës dhe plagosjen e Taulant Maskës, ngjarje kjo e ndodhur në Romë Itali në vitin 1996. Mirëpo me një kërkesë për bashkim dënimesh gjykata e Apelit Durrës, ka pranuar bashkimin e dy dënimeve në një të vetëm duke e dënuar Viktor Ymerin përfundimisht me 25 vite burgim.

Në vendimin e gjykatës për lirimin e Ymerit nga qelia thuhet se:“…në 27 nëntor 2019 gjykata e Elbasanit, ka vendosur pranimin e kërkesës së bërë nga Viktor Ymeri për njohjen e ditëve të punës brenda në burg, konveruar këto në 5 muaj e 16 ditë burgim…”. Më tej gjykatësja Enkeleda Kapedani argumenton në vendimin e saj se me këtë vendim ka qënë dakort dhe prokurori i seancës, ku është shprehur se Viktor Ymerit i takonin ditës e punës të kryera brenda në burg. Por çuditërisht pavarësisht këtij qëndrimi, prokurori i çështjes për shkaqe ende të paqarta thotë gjykata, ka paraqitur ankim kundër këtij vendimi, duke refuzuar që të bëjë ekzekutimin e vendimin për njohjen e ditëve të punës në burg që kishte kryer Ymeri.

Në rastin konkret, vijon argumentin gjykata,“…vendimi gjyqësor që i ka njohur të dënuarit ditët e punës duke e konvertuar në burg e si rrjedhim në ulje dënimi, është vendim që lidhet drejtpërdrejtë me lirinë personale dhe është menjëherë i ezkekutueshëm…”. Nëse do të ishte ekzekutuar nga prokurori ky vendim gjykate, për të cilin ka qenë dakort dhe vetë përfaqësuesi i akuzës, atëherë sipas gjykatës Viktor Ymeri duhet të ishte liruar plotësisht në datën 4 shtator 2019. Më tej gjykata e Elbasanit, thotë se:“…Burgu i Peqinit, Drejtoria e Përgjithshme e Burgjeve dhe Prokuroria e Elbasanit janë institucionet përgjegjëse, të cilat duhet të përgjigjen para ligjit se përse në me këtë të dënuar,nuk është ndjekur praktika si me të dënuarit e tjerë, duke i trajtuar rastet në mënyrë thelbësisht të diferencuar, pasi ky i dënuar është mbajtur në burgim pa vendim gjykate.

Mirëpo pavarësisht se Viktor Ymerit i janë njohur ditët e punës në burg,ai nuk është liruar pasi prokurori ka vendosur apelimin e këtij vendimi, në kundërshtim me qëndrimin që ai kishte mbajtur në gjykatë, ku ishte dakord. Me një kërkesë të dytë, Viktor Ymeri, i është drejtuar sërisht gjykatës së Elbasanit në datë 18 dhjetor 2019, duke kërkuar shuarjen e masës së dënimit. Nga verifikimi i kërkesës, rezultoi se Viktor Ymerit i kishte mbetur për të vuajtur dënimin 2 muaj e 2 ditë burg, ndërsa deri në datën e dhënies së vendimit në 27 dhjetor 2019, Viktor Ymerit, i kishte mbetur për të vuajtur dënimin edhe 1 muaj e 23 ditë burgim. Kjo periudhë burgu është shuar nga gjykata e Elbasanit duke sjellë lirimin e plotë të Viktor Ymerit nga qelitë e burgut të Peqinit.

(Kliko këtu për të lexuar vendimin e plotë të lirimit të Viktor Ymerit)

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Besoni se miratimi i rezolutës e bën më efikase luftën ndaj korrupsionit?



×

Lajmi i fundit

Lufta në Ukrainë/ Aeroporti Zaporizhzhia u godit nga raketa ruse! Zelensky pritet sot në Belgjikë: Marrëveshje sigurie dhe F-16

Lufta në Ukrainë/ Aeroporti Zaporizhzhia u godit nga raketa ruse! Zelensky pritet sot në Belgjikë: Marrëveshje sigurie dhe F-16