'Lufta e bravave' vazhdon në PD, sekretari i degës denoncon në polici kryetarin: Do e hapim selinë! Ish-deputeti: Të flasim si na ka hije

 

Sekretari i degës së PD së degës së Elbasanit ka bërë një denoncim në polici dhe akuzon drejtuesin e PD-së në këtë qytet se ka ndërruar bravën e selisë. Ai garanton se dera do të hapet dhe do të vijohet puna.

"Shoqata Basha-Bardhi, tashmë në panik bëri edhe aktin e fundit të turpshëm duke i vënë drynin degës së selisë së Partisë Demokratike. Shpreh indinjatën më të madhe, në emër të të gjithë demokratëve të Elbasanit. Kam bërë një kallëzim penal në Policinë e Elbasanit. Organet të merren me këtë vepër penale. Nesër ne do të hapim zyrën e PD dhe do të ushtrojmë funksionet tona dhe më 18 dhjetor do të zhvillohet në Selinë e degës së PD referendumi", tha Bledi Himçi.

LEXO EDHE:
Ylli Pata: Pse po ikin nga PD deputetët që mbështetën Lul Bashën?

Ndërkohë që ish-deputeti Aurel Bylykbashi apelon për qetësi.

"Unë do të isha partizan jo i denoncimeve por i negocimeve. Ajo seli që ndodhet ngjitur me shkollën pedagogjike, është 'kisha' dhe 'xhamia' e të gjithë demokratëve. Edhe të atyre që mbështetën 11 dhjetorin dhe që morën vendimet e duhura, por dhe të atyre që nuk e mbështetën por 18 dhjetorin. Në respekt të vuajtjeve tona të përbashkëta, secili nga ne duhet të shohë më larg. I bëj thirrje demokratëve të ruajnë qetësinë dhe të respektohet shumica. Shumica ishte më 11 dhjetor dhe mori ato vendime të duhura për PD-në. Një bravë është një bravë dhe shumë mirë mund të hapet. Ftoj kryetarin e degës që të mblidhemi nesër dhe të flasim si na ka hije", tha ai.

Lajmi kryesor:

'Luftë bravash' në PD, pas disa zyrave në Tiranë kyçen dyert e selive edhe në Elbasan e Shkodër! Zyrtarët e degëve: S'e kemi bërë ne! Berisha: S'ka dryn që na ndal

K.T./Shqiptarja.com

TAG:
• lulzim basha