Shpeshherë, në analizën e argumenteve pse Lulzim Basha është një humbës përsëritës, përmendet si fakt mosqenia e tij si lider i besueshëm në sytë e popullit. Kjo, jo vetëm për shkak të fjalorit të varfër, ku fyelli i tij politik ka vetëm një vrimë, po sidomos për shkak të rekordeve të tija tejet fajësuese të cilat i pamundësojnë të drejtën për të qenë Moralist i Klasit të Parë.
Në argumentin tim do të më duhet t’i lë mënjanë shumë aspekte që kanë ndjekur jetën politike të tij, të cilat janë thënë aq shumë herë saqë tashmë duken të zhvlerësuara. Natyrisht, të lësh mënjanë faktin se kur ai akuzon Edi Ramën për krime dhe vetë mban mbi shpinë një krim monstruoz si ai i 21 janarit; kur akuzon Edi Ramën për korrupsion dhe vetë mban mbi shpinë aferën e Rrugës së Kombit; kur akuzon Edi Ramën për tradhti kombëtare dhe vetë mban mbi shpinë nënshkrimin e faljes së ujërave territorialë, sigurisht qe revoltohesh.
Por, unë do i jap ngasje një qasje tjetër, meqë ditët e fundit ai iu rikthye sërish aspektit të zgjedhjeve duke akuzuar drejtpërdrejt Edi Ramën si arkitekt i manipulimit dhe vjedhjes së votave.
Padyshim, që një dështak zgjedhor si Lulzim Basha, do ta gjejë një fije bari ku të mbahet nga mbytja që ka pësuar në seritë zgjedhore. Dhe, gjëja më e lehtë është të akuzosh kundërshtarin se të ka manipuluar votat. Ama, kur del dhe e thua botërisht këtë, minimalisht duhet të kesh moralin e lartë personal që t’i je shëmbëlltyrë e një procesi model e të ndershëm zgjedhor.
Nuk po shkoj aq larg në kohë sa t’i kujtoj përballjen e tij me të ndjerin Olldashi për marrjen e drejtimit të PD-së. Atëherë ishte ende në lojë Berisha dhe po ia falim organizimin e zgjedhjeve me fletë votimi me numër rendor, meqë ai ishte thjesht kandidat për kryetar, ndonëse i mbështetur fuqishëm dhe i avantazhuar në çdo asket prej kryetarit në ikje.
Unë po afrohem në kohë dhe po vij, këtu e 15 muaj më parë, më 22 korrikun e vitit 2017, ku Lulzim Basha u rimandatua sërish në drejtim të PD-së. Zgjedhjet brendapërbrenda formacioneve politike janë testi i parë se si do të jetë modeli i zgjedhjeve kur ato të jenë në drejtim të punëve të vendit.
E pra, zgjedhjet e datës 22 korrik për kryetar të PD-së, ia heqin plotësisht të drejtën e moralistit Lulzim Bashës dhe i shtohen arsyeve të lartpërmendura se përse ai është i pabesueshëm dhe s’ka pikën e moralit për të bërë moral mbi këtë temë.
Për ata që e kanë harruar, Lulzim Basha ka ardhur në krye të PD-së përmes një procesi manipulativ. Dhe, për këtë, ka prova. Natyrisht, kjo gjë u dokumentua vetëm në tri njësi zgjedhore, Korçë, Maliq e Vlorë, por të mjaftueshme për ta konsideruar atë si fenomen masiv.
Falë një investigimi të portalit “CityNews.al”, u arrit të provohej edhe me video se, së paku, në Korçë, Maliq apo Vlorë, manipulimi i votave ishte i dukshëm. Manipulim që nis qysh nga fakti i se vetëm 1 muaj nga humbja në zgjedhje, çuditërisht në votimin për kryetar të PD-së kishte dyfish më shumë pjesëmarrës se sa në ato parlamentare; faktin se ky portal kishte arritur të numëronte edhe pjesëmarrësit nga mëngjesi deri pasdite dhe nga përllogaritjet e shifrave që jepte PD-ja rezultonte se mesatarisht çdo 1 minutë aty të kishte votuar një anëtar, në ndërkohë që kishte me orë të tëra që në sallë nuk hynte askush; nga fakti se një person votonte më shumë se një herë dhe kjo për anëtarët e komisionit zgjedhor nuk përbënte asnjë problem.
Thënë të gjitha këto (që janë një pjesë e zullumeve), është e habitshme se si Lulzim Basha ka sy e faqe e del në ekran duke drejtuar gishtin nga kundërshtari për manipulim procesesh zgjedhore. A mos vallë, Lulzim, ka ardhur koha ta drejtosh fillimisht gishtin nga vetja?/Javanews/
Komente
Lajme të tjera
-
'Gati shqipe', turi me diasporën, Rama nesër takim me shqiptarët e Londrës! Pamje nga salla
23 Nëntor, 07:32 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Nesër publikohet drafti i fjalorit të madh të Gjuhës Shqipe, Rama: E hedhim në konsultim publik! Të mbrojmë shqipen nga barbarët e rrjeteve sociale
21 Nëntor, 10:58 -
Nis së shpejti projekti i ripërtëritjes së Ujërave Termale të Bënjës në Përmet, destinacion që preferohet nga turistët
21 Nëntor, 08:16 -
Vrasja e 14 vjeçarit, psikologia për Report Tv: Mbyllja e Tik Tok dhe Snapchat një masë jo vetëm për adoleshentët, por edhe ndaj atyre që kanë varësi
20 Nëntor, 20:54
Altin lepurushi e more pagesen e radhes nga PS DIKUSHI DUHET TE AKUZOJE DAKON E PS. ME TIMONERIN E DROGUAR RAMEN SI FIGURE E ERRET PER DURRESIN
Përgjigju