Manastirliu nga Shkodra: Të zbatohet në mënyrë rigoroze regjimi i ri disiplinor në spitale

"Jemi të vendosur të zbatojmë regjimin e ri në spitale për orarin e vizitave të familjarëve në pavione dhe ky ndryshim nis e para nga vetë mjekët”. Deklarata u bë nga Ministrja Manastirliu gjatë vizitës në spitalin rajonal të Shkodrës. 

Ministrja e Shëndetësisë kërkoi angazhimin e drejtorëve të spitaleve dhe shefave të pavioneve për të zbatuar këtë regjim. 

Gjatë bisedës me mjekët, Ministrja Manastirliu deklaroi nga Shkodra se po punohet në bashkëpinim me Ministrinë e Drejtësisë, që, kanosja e profesionistëve të mjekësisë për shkak të detyrës të përfshihet specifikisht në kodin penal, me ashpërsim të masave për ata që dhunojnë bluzat e bardha. 

“Ne jemi duke ndermarrë me Ministrinë e Drejtësisë prej 2 muajsh nismën për ndryshimet në Kodin Penal. Kemi rënë në një draft të kodit penal lidhur me dy ndryshime të rëndësishme. E para persa i përket mjekimit të pakujdesshëm, duke u marrë dhe duke u vlerësuar praktika ndërkombëtare për gabimet mjekësore dhe neglizhencën në mjekim dhe elementi i dytë është vendosja në kodin penal të kanosjes për shkak të detyrës kundër profesionistëve të shëndetit, si një vepër penale e cila duhet të dënohet me burg”, deklaroi Manastirliu.

Gjatë vizitës në spitalin e Shkodrës, Manastirliu tha se do të vijojnë investimet në këtë spital, i cili është mbështetur me 1.8 milonë euro gjatë 4 viteve të fundit për aparatura mjekësore moderne, si angiograf, rezonancë magnetike, etj.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet