Marrëveshja me Italinë për emigrantët, Berisha dhe Bardhi: Do ta dërgojmë në Gjykatën Kushtetuese! Një deputet i opozitës kundër (Emri)

Rithemelimi ka paralajmëruar se do të çojë në Gjykatën Kushtetuese marrëveshjen e firmosur mes Shqipërisë dhe Italisë për strehimin e përkohshëm emigrantëve nga Afrika.

Sali Berisha në një deklaratë për mediat pas mbledhjes së thirrur nga Gazment Bardhi, tha se marrëveshja do të çohet në Gjykatë Kushtetuese pasi ka probleme serioze e të drejtave të njeriut.

“Do përgatitet teksti për në Gjykatën Kushtetuese pasi mendojmë se ka shkelje serioze të kushtetutës firma e Edi Ramës. Mendojmë se ka probleme serioze të të drejtave të njeriut. Duke mbajtur qëndrimin tonë, opozita do i drejtohet Gjykatës Kushtetuese për marrëveshjen”- u shpreh Berisha.

Edhe Gazment Bardhi pohoi se do ta dërgojnë në Gjykatën Kushtetuese marrëveshjen për emigrantët me Italinë.

‘Qeveria ka propozuar në Kuvend ratifikimin e protokollit për marrëveshjen me Italinë. Ky protokoll bie ndesh me Republikën e Shqipërisë. Përmbajtje protokollit mes dy qeverive do t’i nënshtrohet protokollit kushtetues nga Gjykatën Kushtetuese. Rruga më e drejtë në rastin konkret është që kjo marrëveshje ti nënshtrohet kushtetutshmërisë. Disa kolegë patën kundërshtime, por më pas nuk ka pasur asnjë kundërshtim.’- tha Bardhi.

I vetmi deputet që ka qenë kundër çuarjes në Gjykatë Kushtetuese të marrëveshjes ka qenë Tritan Shehu, mëson shqiptarja.com dhe Report Tv.

Sipas nenit 52 të Kushtetutës së Shqipërisë, marrëveshjet ndërkombëtare të ratifikuara në Kuvend nuk mund të çohen në gjykatën Kushtetuese. Kështu që grupi i Berishës dhe Bardhit pritet që ta çojnë tekstin në Gjykatën Kushtetuese përpara datës 21 dhjetor kur do të mbahet seanca për ratifikimin e marrëveshjes me Italinë. Në një rast të tillë, kjo do ta ngrinte procesin e ratifikimit në Kuvend deri në një përgjigjie të  Gjykatës Kushtetuese. Shqyrtimi i kërkesës përfundon brenda 3 muajve nga data e paraqitjes së saj në Gjykatën Kushtetuese. 

Kujtojmë se në datë 16 nëntor, numri 2 i qeverisë italiane Antonio Tajani telefonoi ish-kryeministrin Sali Berisha të cilin e kritikoi mbi qëndrimet e tij të mbajtura sa i takon marrëveshjes së Shqipërisë me Italinë për emigrantët dhe ngritjen e një qendre për strehimin e përkohshëm të tyre në Shqipëri, derisa Italia të shqyrtojë kërkesat e tyre për azil.

Pas kësaj telefonate nga Tajani, Berisha u shpreh se nuk do të protestonte kundër marrëveshjes ndërsa sot njoftoi se përmbajtja do t'i shkojë Gjykatës Kushtetuese. 

Më 6 nëntor 2023 kryeministri Edi Rama dhe kryeministrja italiane Giorgia Meloni nënshkruan në Romë marrëveshjen për ndërtimin në Shqipëri të dy qendrave për strehimin e emigrantëve. Sipas marrëveshjes porti i zbarkimit do të jetë Shëngjini, ndërsa Gjadri do të jetë kampi ku do të ndërtohet vendqëndrimi i tyre. Kapaciteti maksimal i numrit që do të presë qendra në Shqipëri nuk mund të jetë më shumë se 3 mijë emigrantë në muaj. Marëveshja kaloi dje në qeveri dhe do të kalojë në kuvend për tu ratifikuar.


Lajmi kryesor:

Dokumenti/ Ja marrëveshja me Italinë për emigrantët, harta ku do ngrihet qendra e emigrantëve në Gjadër të Lezhës


B.V/S.G/Shqiptarja.com
  • Sondazhi i ditës:

    Barazimi me Kroacinë, mendoni se Kombëtarja kalon grupet e Euro 2024



×

Lajmi i fundit

Euro 2024/ Skoci-Zvicër 1-1, helvetët shohin përpara në fazën 1/16 me supergolin e Xherdan Shaqirit

Euro 2024/ Skoci-Zvicër 1-1, helvetët shohin përpara në fazën 1/16 me supergolin e Xherdan Shaqirit