POP 5

Lajmet më të lexuara të 5 minutave të fundit

Më parë shiteshin më lirë, sot çdo markë vaji në treg 381 lekë/litër! Bizneset unifikojnë çmimin tavan, Bordi i Transparencës ‘certifikon’ abuzimin

Pas vendosjes së çmimeve tavan nga Bordi i Ushqimeve abuzimet me disa produkte nuk kanë të ndalur. Nga një vëzhgim i bërë nga Report Tv nëpër markete vihet re se të gjithë e shesin vajin në vlerën e përcaktuar nga bordi, pavarësisht se janë marka të ndryshme. Disa lloje vaji që deri para luftës kishin çmime të ndryshme, tashmë kanë çmim unik.

Për të shmangur fitimet marramendëse dhe abuzimet, për qeverinë zgjidhje ishte ngritja e bordit të transparencës për monitorimin e marzheve të fitimit dhe caktimin e çmimeve për disa produkte ushqimore.

Në vetvete caktimi i çmimeve tavan dhe kontrolli i fitimit, qëllim kishte goditjen e abuzimit dhe ofrimin e produkteve me çmime më të lira për konsumatorët. Por sa po përmbushet ky mision?

Krejt e kundërta ka ndodhur nëpër dyqanet ushqimore. Në këtë rast bizneset nuk po abuzojnë që të caktojnë çmime mbi ato të caktuara nga bordi, por kanë unifikuar çmimet për produkte të ndryshme në cilësi.

Si rast për të treguar se bordi nuk i ndali abuzimet por i legjitimoi ato ka të bëjë me çmimin e vajit të lulediellit. Nëse përpara caktimit të çmimeve nga bordi vajin mund ta gjeje me çmime të ndryshme në bazë të markave, sot i gjend të gjithë në një çmim, në kufi të tavanit të qeverisë.

Vaji Gold, Floriol, King apo Olim asnjëherë nuk kanë pasur çmime të njëjta, në fillim të muajit mars vaji King u shit 220-249 lekë, Olimimesatarisht 200-219 lekë apo Solei me rreth 249 lekë litri. Në muajit janar e shkurt këto çmime ishin mesatarisht 50 lekë më lirë.

Ndërsa tani pas ngritjes së bordit të gjitha llojet e vajit kushtojnë 380 lekë dhe 381 lekë litri, duke bërë që disa nga kompanitë që gjithmonë kanë pasur çmime të ulëta tashmë të fitojnë më shumë.

Pyetja që ngrihet është nëse këto kompani kanë të njëjtat kosto, cilësi dhe marzh fitimi që kanë çmime të njëjta?

Bordi thotë se është e pamundur caktimi i tavaneve sipas markave, por vendosja e një tavani ka shtuar më tej abuzimet. I njëjti shqetësim u ngrit edhe në Kuvend nga deputeti socialist Erion Braçe.

“Ekzistenca e bordeve është abuzimi më i madh në treg. Janë marrëveshje që kanë cenuar konkurrencën në vite”, tha Braçe.

Produktet e vajit dhe yndyrat patën shtrenjtimin më të madh në muajin prill, ku INSTAT raportoi se rritja e çmimeve për këto produkte ishte 24.2% në raport me një vit më parë.

SI.E./K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • leku: 13/05/2022 08:15

    p po mire te na behet...popull dele

    Përgjigju
  • Mondi: 12/05/2022 21:12

    Nuk mjaftojne tregetaret qe te pakten bejne dicka, tani ne cmim eshte futur edhe bordi si kosto e shtuar dhe ata si shtetar kane oreks te pa pare

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Bardhi takim me strukturat e PD në Divjakë, thirrje dhe për protestën e të martës në Tiranë: Fermerët kanë mjaftueshëm arsye!

Bardhi takim me strukturat e PD në Divjakë, thirrje dhe për protestën e të martës në Tiranë: Fermerët kanë mjaftueshëm arsye!

24 Nëntor, 19:21