TIRANE - Një udhëtim i paparalajmëruar ishte ai i kreut të shtetit Ilir Meta drejt Strasburgut, që sot zyrtarisht nga zyra e shtypit të tij u reklamua si një vizitë pune. Një reagim me goditje të drejtpërdrejtë ndaj mediave që thanë se Presidenti ishte nisur për të lobuar për fatin e lëkurës së tij: Për të takuar Presidentin e Komisionit të Venecias. Por reagimi i zëdhënësit të Presidencës, Tedi Blushi nuk përmendi asgjë nga axhenda e takimeve, duke thënë se Presidenti " ka nevojë të lobojë, as në të bardhë, e as në të zezë". Nuk vonoi shumë dhe në gjithë këtë presion mediatik, Presidenti Ilir Meta u detyrua të dalë zbuluar. E nxorri në Facebook takimin që pati sot me kokën e Komisionit të Venecias, presidentin Gianni Buquicchio. Një takim që vjen pikërisht në kohën kur ekspertët e këtij komisioni po studiojnë materialet e marra nga autoritetet shqiptare për nismën parlamentare të ndërmarrë për shkarkimin e Presidentit të Republikës për shkelje të rënda të Kushtetutës. Dhe në fakt, tentativat për të sfumuar gjurmët e lobimit, bien nga vetë njoftimi që presidenca dha zyrtarisht, ku temë e diskutimit mes tyre ka qenë pikërisht çështja e shkarkimit të tij.
Siç njoftoi zyrtarisht presidenca, Meta "i dorëzoi Presidentit Buquicchio raportin e përgatitur për Komisionin e Venecias, dhe i shprehu vullnetin për bashkëpunim të plotë për çdo çështje apo paqartësi që lidhet me të. Kreu i Shtetit vlerësoi kontributin historik të Komisionit të Venecias për forcimin e institucioneve, të shtetit të së drejtës dhe demokracisë në Shqipëri"
Në tentativë për të zbutur kritikat ndaj këtij veprimi, në kohën që më 12 tetor pritet të jepet një opinion i rëndësishëm nga Komisioni i Venecias ndaj tij, ai ka përmendur se në takim ishte e pranishme edhe Përfaqësuesja e Republikës së Shqipërisë pranë Këshillit të Europës, Albana Dautllari.
Por ajo që mbetet shqetësuese është fakti që Presidenti Meta, i cili është nën hetim nga komisioni i posaçëm parlamentar, takon eprorin e ekspertëve të Venecias, të cilët duhet të japin një opinion të pavarur për hetimin ndaj tij, nëse ai ka kryer shkelje të rënda të Kushtetutës me dekretin për anulimin e zgjedhjeve të 30 qershorit dhe me shpalljen e 13 tetorit si datë legjitime.
Më herët teksa dëshmoi para deputetëve në senacën e parë të komisionit, kreu i shtetit tha se do të ishte vetë para anëtarëve të komisionit të Venecias, por e ka paraprirë këtë deklaratë duke nisur me takimet lobuese për të shpëtuar veten nga shkarkimi.
Ajo që është e dukshme, është se rruga drejt Strasburgut, nuk ishte aspak një "vizitë pune".
Vetëm pak ditë më herët, në një intervistë me gazetarin Çim Peka, kreu i shtetit deklaronte se nëse opinioni i Venecias do të ishte pro shkarkimit të tij, do të jepte dorëheqjen.
Në Shqipëri, komisioni parlamentar për hetimin e presidentit e zgjati mandatin me 2 muaj në mënyrë që para se të nxjerrë raportin e tij, të ketë lexuar më parë opinionin e Komisionit të Vencias, që pritet të publikohet më 12 tetor. Po ashtu, Kuvendi ka në dorë tashmë dokumentin sekret të Shërbimit Informativ Shtetëror me informacionet që Meta pretendon se u bazua për të anuluar zgjedhjet: Skenarin për të djegur Kuvendin në protestën antiqeveritare të opozitës më 8 qershor.
Komente
Lajme të tjera
-
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Nga Ylli Pata: Cilat janë pasojat politike të çështjeve penale ndaj Berishës dhe Metës?!
20 Nëntor, 20:53
-
Sekuestrimi i vilave të Kryemadhit/ Juristi Romeo Kara: Të shkulet me rrënjë kjo e keqe! Pa lënë pas dore partitë e tjera! Janë miliarda euro, t'i kthehen popullit
20 Nëntor, 18:08 -
Spahiu: Meta dhe Monika duhet ishin larguar vetë nga politika në 21 Janar pas videos me Dritan Priftin
20 Nëntor, 17:56 -
Apeli i GJKKO-së s'e nxorri nga burgu, i sekuestruan vilat, Meta udhëzon nga qelia Partinë e Lirisë: Nisni protesta periodike kundër SPAK
20 Nëntor, 17:44 -
GJKKO sekuestron 2 vilat e Monika Kryemadhit dhe të ëmës tek rezidenca VIP e 'Kodrës së Diellit' në Tiranë! Pjesë e hetimit për lobimin në SHBA e dosjen CEZ-DIA
20 Nëntor, 15:10 -
Afera CEZ- DIA e lobimi në SHBA, Apeli i GJKKO-së lë në burg Ilir Metën, s'ndryshon masën as për Kryemadhin! Monika: SPAK, 34 fashikuj me falsifikime, heq dorë nga politika! Me Ilirin s'ka më kthim pas
19 Nëntor, 16:34 -
Zbardhet mbrojtja e Ilir Metës përpara Gjykatës së Posaçme të Apelit: Kërkoj lirinë, shumica e pronave dhe e llogarive bankare të Monikës! S’mbaj përgjegjësi për shpenzimet e ish-gruas e ish-vjehrrës
19 Nëntor, 12:42 -
Dosjet 'e nxehta'/ Adriatik Doçi: Meta është vizatuar si koka e korrupsionit, Kryemadhi merimanga! Përdorën biznesmenë si bankomat
18 Nëntor, 19:56 -
Apeli i GJKKO vendos nesër për Metën, Presidenti i PL-së apel nga burgu: Persona të paautorizuar po organizojnë protestë, distancohuni
18 Nëntor, 14:06 -
Avokati Beqiri në Report Tv: SPAK do nisë Hetimet edhe për Argitën dhe Shkëlzen Berishën! 23 dosje për Metën ‘flenë’ në qeveri
15 Nëntor, 19:53 -
Tiranë/ Apeli i Posaçëm cakton datën për shqyrtimin e ankimimit të Ilir Metës mbi masën e arrestit
13 Nëntor, 15:08
Ky president monster vetem nen rrogoz vepron,vetem me para shet e blen deputet,pushtetare dhe mbrojtjen e tij si tinzar kerkon ta beje,si intrigant i lig qe eshte nuk njeh ligj ky kryehajdut.
Përgjigju