Presidenti vendos anulimin e zgjedhjeve/ Balla: 30 qershorin nuk e luan as topi, jo më Ilir Meta

Kreu i grupit parlamentar të Partisë Socialiste, Taulant Balla deklaron se Ilir Meta nuk mund të shfuqizojë zgjedhjet e 30 qershorit. Ai tha se kërkesa e tij është njësoj si t'i shkruash një letër një pëllumbi me shpresën se do ta marrë Zoti.

"Është e pamundur. Jurisprudenca që një akt i pavlefshëm është i pazbatueshëm. Është njësoj si të shkruash një letër dhe t'ia japësh një pëllumbi me shpresën se do ta marrë Zoti dhe të të plotësojë dëshirat. Ky është edhe akti i presidentit. Ky është akti i fundit i mbylljes së një cikli që nga 2016, kur Meta ishte me ne në qeveri. Asokohe me ne ishte në qeveri por me shpirt kundërshtonte reformën në drejtësi. Prej asaj kohe ne jemi përballur me një aleancë politikanësh të korruptuar. Filloi në 2016 kur SHBA dhe BE i morën prej vesh dhe i sollën në Kuvend dhe votuan reformën në drejtësi. Në shkurt erdhi përpjekja tjetër për të shkatërruar parlamentarizmin duke dorëzuar mandatet por edhe kjo dështoi se sot në Kuvend më shumë se tre të katërtat e deputetëve të opozitës janë në parlament. Parlamenti është edhe funksional si në kuotën minimale edhe në atë maksimale. Dua ta them troç  se zgjedhjet e 30 qershorit nuk i luan as topi, jo më Ilir Meta. Zgjedhjet nuk mund të lëvizin. Më 30 qershor këtu do zhvillohen zgjedhje normale", tha Balla.

Lajmi kryesor:

Balla: 30 qershori nuk lëviz! Aleatët e Bashës: Meta bëri atë që i kërkuam ne

TAG:
• zgjedhjet lokale 2019
• zhdekretimi i 30 qershorit