POP 5

Lajmet më të lexuara të 5 minutave të fundit

Tirana

“Mitet e Tiranës”/ 5 artistë, shkrimtarë e profesorë rrëfejnë kujtimet e rralla për kryeqytetin e shqiptarëve

Tirana ndër vite ka pritur gjenerata të tërë artistësh, aktorë e shkrimtarë, shumë prej të cilëve sot nuk jetojnë më. Por, qyteti që vijon të ndryshojë, fshihet ende në kujtesën e shumë prej atyre që sot e kujtojnë me nostalgji si ka qenë, pa e fshehur kënaqësinë se Tirana po transformohet e zhvillohet si një qytet modern e kozmopolitan

“Mitet e Tiranës”/ 5 artistë, shkrimtarë e profesorë rrëfejnë kujtimet e rralla për kryeqytetin e shqiptarëve

Tirana ndër vite ka pritur gjenerata të tërë artistësh, aktorë e shkrimtarë, shumë prej të cilëve sot nuk jetojnë më. Por, qyteti që vijon të ndryshojë, fshihet ende në kujtesën e shumë prej atyre që sot e kujtojnë me nostalgji si ka qenë, pa e fshehur kënaqësinë se Tirana po transformohet e zhvillohet si një qytet modern e kozmopolitan.

Dokumentari i publikuar së fundmi, me titullin “Mitet e Tiranës”, tregon përmes rrëfimeve mbresëlënëse të emrave të njohur si Fatos Kongoli, Bujar Kapexhiu, Luljeta Bozo, Skënder Kamberi dhe Edmond Tupja, Tiranën e dikurshme, por edhe Tiranën e sotme. Aty ngërthehen kujtimet e gjalla të secilit prej tyre, për Tiranën ku u rritën dhe jetojnë ende sot.

Bujar Kapexhiu, regjisor dhe skenarist
“Tirana si metaforë është një femër. Atëherë i thonim shoqe, kurse tani zonjë, zonjushë. Atëherë Tirana ka qenë më e vogël, tani shumë më e madhe. Atëherë ishte e ulët, e shkurtër. Tani është e gjatë. Tirana në atë kohë ka qenë me e ndrojtur, më e urtë, tani është më e zhdërvjellët. Ka qenë më e varfër, më e uritur, sot është më e ngopur dhe e pasur. Dikur kishim shumë të njohur, kurse sot kam shumë të panjohur. Tirana ka ndryshuar shumë sepse në atë kohë njihnim edhe banorët e lagjes tjetër, sot nuk njohim as komshinjtë e shkallës.

Luljeta Bozo, inxhiniere
Janë bërë shumë gjëra të mira në tre drejtime: Ka një rregull në dhënien e lejeve të ndërtimit, janë asfaltuar të gjitha rrugët, jo vetëm brenda në qytet, por edhe në periferi, dhe e treta, që ka shumë rëndësi, është gjelbëruar. Është një qytet që ka gjysmën e Shqipërisë, me shumë kultura dhe me një harmoni të jashtëzakonshme.

Skënder Kamberi, piktor
Tirana i ka mëngjeset shumë të bukura. Ka Dajtin, në agim është brilant. Kodrat. E kam pikturuar disa herë. Kurse kullat i kanë dhënë një notë më moderne qytetit, më kozmopolite, e kanë afruar më shumë me Evropën. Kjo më kënaq dhe më bën të punoj mirë këtu.

Edmond Tupja, përkthyes dhe shkrimtar
Te Rruga e Bogdanëve është një shtëpi një ose dy katëshe, të cilën e kam bërë edhe personazh në një libër, e cila kundërmonte era lule, me saksi, me pemë frutore. Shkoj ende sot aty për nostalgji. Shtrihet në drejtimin veri-jug dhe e rreh era. Është një rrugë magjepsëse!

Fatos Kongoli, shkrimtar
“Në Tiranë jam rritur dhe jam formuar. Të gjithë jetën time e kam kaluar këtu. Deri vonë, para se të sëmuresha, mjedisi më i parapëlqyer për mua ka qenë xhiroja rreth Liqenit Artificial. Dilja çdo ditë herët në mëngjes dhe e nisja vrapin sapo mbërrija të Diga. I bija dy herë rreth e rrotull me vrap dhe kthehesha në shtëpi. Më vonë, kur u shtrova në spital nga hipertensioni, mjekët më thanë se kjo më kishte shpëtuar jetën. Tirana është sfondi i pandryshueshëm i librave të mi.”

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu