Mitingjet e Bashës, infektohet me COVID kandidati i PD-së në Gjirokastër! Momenti kur shihet mes militantëve

Roland Bejko, kandidat i Partisë Demokratike për qarkun e Gjirokastër është infektuar me COVID. Në një postim në mediat sociale Bejko njofton se prej gati dy javësh, ka munguar në fushatën elektorale pasi ka rezultuar i infektuar me COVID.

Kjo periudhë kohe korrespondon edhe me mitingun e fundit të zhvilluar nga Basha në qytetin e Gjirokastrës, ku janë grumbulluar dhjetëra qytetarë pa respektuar distancën sociale. Siç shihet edhe në pamjet e mitingut të Bashës, qytetarët nuk respektojnë masat e sigurisë.

‘Të dashur miq, Për shkak të infektimit nga Covid 19 prej gati dy javësh, kam qenë i detyruar të mungoja fizikisht në fushatën elektorale që po vazhdon me intensitet në Qarkun e Gjirokastrës. Në këto kushte, kam zgjedhur që komunikimin me zgjedhësit tanë, ta mbaj nëpërmjet telefonit, rrjeteve sociale, dhe televizionit.’- shkruan Bejko.

LEXO EDHE:
Shqiptarët paguan nga xhepi 141 mln euro për blerjen e produkteve farmaceutike më 2023, financuan 55% të konsumit

Postimi i bërë nga Roland Bejko

Roland Bejko

 

 Roland Bejko

 

Lajmi kryesor:

Sot 336 raste të reja dhe 6 humbje jete nga COVID-19! Basha nuk ndal mitingjet, infektohet Mark Marku edhe kandidati i PD-së në Gjirokastër

M.Q./Shqiptarja.com

TAG:
• Koronavirus
• koronavirus ne shqiperi
• Viktimat Covid