Modeli tropojan rrëfen natën e
nxehtë me deputeten shqiptare

Është kthyer në trend tani që modelët shqiptarë të rrëfejnë eksperiencat e tyre seksuale me politikanë, apo pas deklaratës së guximshme të Xhesika Ndoj, kjo është pyetja e parë që i vjen ndërmend gazetarëve?

Sajesë ose jo, të gjithë këta modelë e modele po bëhen pjesë e shtypit me deklaratat e tyre. Tani është modeli nga Tropoja, Alesio Alia, i cili në një intervistë për revistën ‘Story’ ka rrëfyer një histori romance me një deputete shqiptare. Modeli tropojan ka treguar detaje nga nata e nxehtë që kaloi me deputeten e Parlamentit të Shqipërisë.

“Nganjëherë mosha i bën më seksi disa femra. Kështu që, merreni me mend vetë çfarë dua të them. Ndërsa përsa i përket statusit dua ta lë enigmë nëse është beqare apo e martuar”, kështu shprehet modeli shqiptar në intervistën e tij për “Story”.

Ai ka rrëfyer marrëdhënien intime me një ligjvënëse të Parlamentit por pa dhënë identitetin e saj.

Në përpjekje për të zbuluar se kujt krahu politik i përket deputetja në fjalë, Alessio thotë: “Për mua s’ka ndonjë ndryshim nëse është e majtë apo e djathtë në angazhimin e saj politik. E djathta apo e majta është thjeshtë çështje psikologjike kur fjala është për shtratin”.

Megjithatë, për shkak se në Shqipëri kthehet vetëm për pak ditë, modeli që jeton prej 20 vitesh në emigracion, thotë se me politikanen ka patur thjesht një aventurë. “Nuk ka asgjë për t’u dukur interesante me politikanet apo disa femra që merren me politikë, e që unë mund të kem kaluar vetëm një natë seks”, shprehet Alessio Alia. 


Redaksia Online
(m.p/shqiptarja.com)