Murrizi kritika për ndryshimet në Kodin Penal, i përgjigjet Ruçi (VIDEO)

Deputeti Myslim Myrrizi gjatë fjalës në Kuvend tha se ndryshimet në Kodin Penal në seancën e shkuar u bënë në shkelje me ligjin, pasi sipas tij u bë një amendim në moment të fundit ndërkohë që deputetët sipas tij e kishin mbyllur votimin. Kreu i Kuvendit Gramoz Ruçi në përgjigje të këtij pretendimi tha se nuk bëhet fjalë për amendim por një riformulim gjatë diskutimeve nga kreu i grupit parlamentar socialist, Taulant Balla, që uli nga 15 në 8 vite për kë përhap infeksionin COVID me dijeni dhe shkakton pasoja të rënda.

Mylsim Murrizi: Unë do t'iu ftoja që në seancën e datës 16 në këtë vend është miratuar një ligj në kundërshtim me rregulloren e kuvendit. Ne kishim votuar, nuk di me çfarë tagri dikush kishte marrë fjalën për të propozuar diçka. Amendamenti nuk ishte protokolluar 24 orë përpara. Unë e kam rendin e ditës të datës 16 dhe ne nuk kemi njoftim për amendament shtesë. Nuk e di se nga erdhi ai variant për Kodin Penal dhe kush e shpiku. Unë ju ftoj ju dhe kolegët e mazhorancës të marrin në shqyrtim shkeljen kushtetuese të 3 neneve të rregullores.

Gramoz Ruçi: Nuk kemi të bëjmë me amendim të ri, por me marrjen në konsideratë të të gjitha vërejtjeve që u bënë për uljen e viteve të ndëshkimit penal, nga 15 në 8, nga 8 në 5, nga 5 në 3 e kështu me radhë. Janë propozuar nga kreu i grupit parlamentar zoti Balla. Kur ishte diskutimi për çështjen, ai u ngritur dhe bëri riformulimin. Nuk kishte amendim fare. Është hequr shifra 15 vite dhe është bërë shifra 8 vite.

LEXO EDHE:
Regjistrohet rasti i parë i variantit të koronavirusit ‘Pirola’ në Ukrainë

Unë kam lexuar rezultatin e votimit në tërësi , ndërsa nen për nen ata që ishin këtu kanë votuar. Murrizi, ti kur janë votuar këto, nuk ke qenë në sallë, ka votuar vetëm zonja Hajdari për uljen e këtyre shifrave.

TAG:
• Koronavirus
• koronavirusi ne shqiperi
• seanca plenare 23 prill 2020

Sondazhi i ditës:

Si ka qene per ju viti 2024?

• I mire

  43.6%

• I keq

  22.5%

• As i mire as i keq

  33.8%

Vota total: 1588

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq