Gjuha linçuese dhe narrativa agresive e Sali Berishës vlen për t’u studiuar nga psikologët ose neurologët.
Për nga agresiviteti, nuk ka të dytë, ndërsa për nga kreativiteti është e ngjashme me inskenimet e dikurshme të sigurimit të shtetit. Kush ka lexuar dosje të fabrikuara në atë periudhë, e kupton përse e kam fjalën.
Problemi është se sa më shumë e ngre ‘stekën’ e akuzave dhe sulmeve, aq më poshtë e ul në të ardhmen e afërt, duke u ‘mbrojtur’ pas justifikimit se 'kanë qenë akuza politike’. Ndaj është e pamundur me një figurë të tillë të kuptosh se ku ndahet e vërteta nga trillimi, politikja nga realja, interesi publik nga ai vetjak.
Ka 3 vite që sulmon në mënyrë të përbindshme Lulzim Bashën, për atë ndaj të cilit përpara kësaj periudhe fliste me veneracion të paparë. Mjafton të klikosh në internet dhe të shohësh deklaratat e tij publike në drejtim të Bashës dhe të ngresh pyetje: Ky Bashë që sulmohet sot me atë që mburrej dje, është i njëjtë apo i ndryshëm?!
Por Lulzim Basha është ‘preha’ e tij e radhës, nuk është as i fundit as i pari.
E ka bërë këtë gjë me Fatos Nanon, duke e akuzuar si vrasës së Azem Hajdarit dhe pastaj ka dalë e paturpësisht ka thënë që kanë qenë akuza politike. Ka akuzuar Agron Dukën si pjesëtarë të ‘Klanit të Zemunit’ dhe ka bërë më pas koalicion me të. Ka akuzuar Anastas Angjelin si ‘mamuthin e zi të korrupsionit' dhe e ka votuar për anëtar të Bordit Drejtues të Bankës së Shqipërisë.
Më parë kishte akuzuar Neritan Cekën, Arben Imamin, Genc Rulin, Genc Pollon... dhe pastaj bëri aleanca dhe i bëri ministra sikur të mos kishte ndodhur asgjë në të kaluarën. Ka akuzuar dikur si bashkëpunëtor të sigurimit profesor Sami Repishtin, ndërsa ka ngritur Parlamentin në këmbë për të mbajtur një minutë heshtje në nderim të tij kur ai është ndarë nga jeta. Sidomos këtë shtresë e ka poshtëruar dhe përdorur pafund në këtë drejtim.
Ka akuzuar Gazment Bardhin si bashkëpunëtor të masakrës në Elbasan në zgjedhjet e vitit 2021, pastaj paturpësisht e ka ulur në prehër prej nga ka deklaruar se nuk kanë qenë të vërteta, por akuza politike.
E gjithë jeta politike e Sali Berishës është një inkoherencë e plotë. Për të ‘e drejtë’ dhe ‘e vërtetë’ nuk kanë qenë ato që duheshin dhe ishin, por ato që atij i kanë interesuar për të qenë. Gjithmonë ai ka krijuar realitete paralele, shpeshherë inekzistente, për të luftuar kundërshtarët e tij dhe për të mbledhur rreth vetes si një rrufepritëse të gjithë budallallikun e të verbërve dhe të shurdhëve në atë parti.
Ndaj PD që ai drejton sot është më e vogël se kurrë dhe më e pabesueshme se asnjëherë më parë. Është Berisha dhe ata që ai ka mbledhur rreth vetes që e kanë bërë atë të tillë.
Komente
Lajme të tjera
-
Adriatik Doçi: Deputetët e PD që kanë mbi 3 shtëpi me rrogë shteti, bie sfida e Berishës për Altin Dumanin
23 Dhjetor, 09:32
-
Sot protesta e opozitës/ Zbardhet ‘skenari’, PD do bllokojë rrugët, policia: Është vepër penale, do ketë pasoja! Do jetë dhe Berisha
23 Dhjetor, 07:51 -
Simon Hadaj: Çfarë di Dumani që e tmerron Sali Berishën?
22 Dhjetor, 18:11
-
11 Maji/ Berisha bën gati alibinë: Rama s’bën zgjedhje, por fasadë
22 Dhjetor, 15:24 -
Mbyllja e Tik Tok, Berisha: Edi Rama vendosi ta ndalojë, aksionet e tij kanë rënë në mediat sociale! Do hapet pas zgjedhjeve, vazhdoni postoni
22 Dhjetor, 15:20 -
Në 1995 e quajti spiun i sigurimit të Shtetit dhe bashkëpunëtor i Ramiz Alisë' - Berisha para dhe pas vdekjes së Azemit
22 Dhjetor, 13:59 -
PD denoncon: Blendi Gonxhja, miliona euro tenderë të paracaktuar për miqtë e tij! Reagon ministri: Opozitë me 'menu fikse'! Kemi bërë revolucion në prokurimet publike
22 Dhjetor, 13:03 -
Mosbindja civile / Po Gjin Gjoni pse do të bllokojë nesër trafikun në Tiranë? Një vilë e fshehur që sfidon SPAK-un
22 Dhjetor, 11:57 -
Mero Baze: Pse Flamur Noka po betohet se 'nuk merret peng'?
21 Dhjetor, 20:38
-
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
Ylli Pata: Pse Berisha zgjodhi të bllokojë rrugët para Krishtlindjeve?
21 Dhjetor, 18:24
-
Protesta e opozitës të hënën/ Zbardhet ‘skenari’, rrugët do të bllokohen! Berisha i pranishëm për herë të parë pas lirimit nga 'arresti shtëpiak'
21 Dhjetor, 17:51
Per aq kohe sa "deputeti" te mos mbaj pergjegjesi per ato qe thote kjo "kenge" do te degjohet ne vendin tone.Prokuroria e posacme apo e pa posacme,si mbrojtese e interesave te shtetit e vendit duhet te fillojne hetimin dhe o personi qe ben deklaraten ose personi i akuzuar duhet te pergjigjen para drejtesise.Kemi 34-vite qe degjojme te verteta e te pa verteta (shpifje nga me te ultat).Ligjerisht nga pergjegjesia (per deklarata te tilla)lirohen vetem ata qe jane te semure mendor.Nuk mendoj se "deputetet" tane jane te kesaj kategorie!
PërgjigjuNuk duket qe ia fut kot, Saliu. Basha i nguli thiken pas shpine atij dhe PD. Per llogari te kolateralit ndaj Rames qe burrokratet e korruptuar te DASH e te tjere sorriste diktonin. Nanon? Azemi u vra nga personel policor ose gati gjithe komisariati i Tropoxhes ndersa Nano ishte kryeminister! Nejse. Sa per akuza mjafton ati Nano vs Rama dhe Meta apo dashurite Rama+Mona+Like qe kushdo me logjime normale e kupton se kush eshte monstra shtetkapese. Pra Rama. Qe zotrote e lapangjoze te tjere i kriheni.
Përgjigju