Gazetari dhe publicisti i njohur Nebil Çika është ndarë nga jeta. Prej vitesh ka mbajtur postin e ish kreu i të përndjekurve politikë. Çika u nda nga jeta në moshën 58-vjeçare ndërsa nuk dihen ende arsyet.
Për ndarjen e papritur nga jeta të 58-vjeçarit ka pasur shumë reagime nga miqtë dhe kolegët e tij që shprehën ngushëllime për familjen. Mes tyre edhe Roland Bejko, i cili zbuloi bisedën e fundit duke thënë se humbi bashkëpunëtorin e çmuar si dhe Lulzim Basha, i cili shkroi se me Nevbil Çikën, Shqipëria humbi një antikomunist, ia kushtoi jetën shkrimit me vërtetësi të historisë dhe realitetit politik.
Përmes një mesazhi në rrjetet sociale, bë e ditur se në orën 14:00 se pas homazheve, trupi i pajetë përcillet për në banesën e fundit, në varrezat e Tufinës.
Nebil Çika i përkiste një familje të njohur patriote dhe intelektuale nga Borshi i Bregut. I përndjekur familjarisht gjatë regjimit komunist, Nebil Çika ka qenë gazetar që prej fillimeve të viteve 90-a. Vitet e fundit ai drejtonte organizatën e ish-të përndjekurve politikë. Në fillim si reporter i kronikës e më pas gazetar politik dhe botues i gazetës "Minerva".
Ai ka qenë përkrahës i PD-së dhe mbronte idenë e një force politike të distancuar nga Sali Berisha.
Ish-kreu i PD, Lulzim Basha ka shprehur ngushëllimet familjes për ndarjen nga jeta të publicistit Nebil Çika. Basha shkruan se Shqipëria humbi sot një atdhetar të mirë, një antikomunist të pakompromistë dhe një njeri që ia kushtoi jetën shkrimit me vërtetësi të historisë dhe realitetit politik.
“Me hidhërim të thellë mora lajmin për largimin e parakohshëm nga jeta të njeriut të letrave, gazetarit dhe publicistit të njohur Nebil Çika. I shpreh ngushëllimet e mia familjes së tij, djemve dhe bashkëshortes për këtë humbje të pazëvendësueshme. Nebilin do ta kujtojmë përherë si zotërinë e nderuar, pasardhës të një familjeje patriote dhe të persekutuar gjatë diktaturës, gazetarin që pasqyroi me vërtetësi kalvarin e persekutimit komunist dhe që deri ditën e fundit mbrojti me dinjitet besimin dhe idetë që nuk i ndërroi kurrë. Shqipëria humbi sot një atdhetar të mirë, një antikomunist të pakompromistë dhe një njeri që çdo ditë të jetës ja kushtoi shkrimit me vërtetësi të historisë dhe realitetit politik. U prehtë në paqe”, shkruan Basha.
Roland Bejko, kandidati i PD për bashkinë Tiranë në zgjedhjet vendore ka zbuluar bisedën e fundit me publicistin Nebil Çika, i cili u nda nga jeta mëngjesin e së enjtes.
"E mërkurë.
Ora 17 55
-Fole?-Më pyet Nebili në Whatsapp.
Ora 17 57
- Fola, e lamë të takohemi prapë nesër, i thash.
Ora 18 16
-Ok,- më përgjigjet Nebili.
Stop!
Ky është komunikimi i fundit në këtë jetë me Nebil Çikën.
E enjte
Sa hap sytë në mëngjes, kap celularin dhe lexoj lajmin e familjarëve të tij, se qysh prej disa orëve më parë, Nebili, nuk është më në këtë jetë.
Kaq është jeta!
Shaka e madhe?
Të dashur miq.
Sot unë humba mikun dhe bashkëpuntorin tim të çmuar, aktivistin dhe publicistin e talentuar, antikomunistin dhe demokratin e vendosur, Nebil Çika. Familja, humbi njeriun e saj të dashur, shoqëria, mikun e vet të mirë, ish të përndjekurit politikë të diktaturës, avokatin e zjarrtë të kauzës së tyre, publicistika shqiptare, humbi një nga penat më të spikatura të saj këto 30 vitet e fundit.
Shumë plane, ëndra, synime, projekte librash, përmbushje kauzash të keqpërdorura mbetën në mes me humbjen e Nebilit.
Prehu në paqe vëlla!
Ngushëllime familjes, djemve dhe bashkëshortes për humbjen e tyre të madhe!
I përjetshëm kujtimi i Nebilit, këtij luftëtari të pa epur të çështjeve të mëdha të këtij vendi", shkruan Bejko.
Komente
Lajme të tjera
-
'33 vite pa u dënuar me ligj krimet e komunizmit' Besim Ndregjoni: Çështja së shpejti në kongresin amerikan! Duam murin e kujtesës para Piramidës
30 Nëntor 2023, 14:31 -
Papa Françesku pret në Vatikan ish-të përndjekurit, Ndregjoni: Vatikani përkrah shqiptarët antikomunistë
14 Nëntor 2023, 15:41
-
Refleksionet e ish-të burgosurit politik: Regjimet komuniste, shkaktuan 18 milion viktima në të gjithë botën, më shumë se të dy luftrat botërore së bashku
21 Korrik 2023, 09:32
-
Ditët e kujtesës në Shkodër, nderim viktimave të komunizmit! Organizatori: Më në fund e ndërtuam monumentin kushtuar sakrificave e qëndresës
20 Maj 2023, 15:27
-
Lajmi i ikjes dhe vepra që jeton…
15 Prill 2023, 10:52
-
‘Fëmijës së sapolindur, prindërit i vunë emrin e paraardhësit, Nebil Çika, i cili do të shikohej me inat nga komunistët…’/ Refleksionet e Visar Zhitit
14 Prill 2023, 07:36
-
Shkrimi i fundit i Nebil Çikës: Pse Berisha u tregon çamëve, gishtin e mesit ?!
13 Prill 2023, 15:42
-
Demalia përplaset me Nard Ndokën në Report Tv: Je bërë dhe ministër Shëndetësie e s’merr vesh fare! Je i konsumuar! Kreu i PDK-së braktis emisionin 'Studio Live'
27 Mars 2023, 17:40 -
Çika: Celibashi s’është aty për të dhënë mendimin e tij, po të zbatojë ligjin! Demalia: Bashkimi i PD, s’është zgjidhje! Deromema: Demokratët s’duan t’ia dinë për vulën
9 Mars 2023, 19:31 -
Protesta/ Çika: Berisha i pabesueshëm në publik! Andoni: Aksioni i opozitës i vonuar! Burimi: S’është revolucion
16 Shkurt 2023, 20:13 -
Dosja e zyrtarit të lartë të FBI/ Çika: Berisha bashkëpunëtor në krim me Ramën kundër Bashës! Muça: Më shumë shqetësohemi ne se SHBA
27 Janar 2023, 18:04 -
Nebil Çika: Lufta parimore e Bardhit e Tabakut është një fasadë, realiteti është çorba e prishur e pushtetit që hani bashkë
29 Dhjetor 2022, 11:42
Ngushellime familjes.
Përgjigju