Ish-ministra drejtësie, që shkatërruan drejtësinë, frymëzohen nga fjali mafiozësh, trafikantësh e mashtruesish italianë, për të na treguar se “duan drejtësi”. Gazetarë që ushqyen, u bënë zëdhënësa të sistemit “gjingjon” në drejtësi, që zhdukin e sjellin kaseta me fjalë e mesazhe të krimit në cdo televizion, bëjnë sot moral. Ish-doganierë, ish-tatimorë, ish-gjykatës, gazetarë e analistë që nuk kanë një fjalë të vetme publike në këto vite kundër drejtësisë së vjetër në Shqipëri, por vetëm kundër reformës për ta ribërë atë, kërkojnë edhe këtë herë mes rreshtave të punës së të tjerëve, (gazetarëve, prokurorëve dhe hetuesve të talentuar Italian), Drejtësi! Ata që sollën Prudentinon këmbëkryq në Vlorë e Tiranë, ata që nuk panë kur njerëzit u vranë, ata që nuk panë kolegun që u plagos, që nuk panë se si një shtet i tërë zhdukte kamera sigurie e filmime me vrasje në Bulevard, se si u tjetërsuan e u grabitën prona anembanë, sot kërkojnë Drejtësi. Bëjnë mirë. Asnjëherë nuk është vonë! Por edhe këtë herë manipulojnë. Devijojnë, jo për të sjellë qartësi dhe drejtësi, pasi atyre nuk iu intereson të hetojnë, apo gjurmojnë krim e pasuri, por vetëm ta përvetësojnë. Iu intereson vetëm të sulmojnë, njollosin e të përfitojnë. Kërkojnë që drejtësia të veprojë vetëm për armiqtë e tyre politikë, jo për miqtë. Të përfitojnë ata, jo Shqipëria që vuan nga një sistem mafioz kronik në drejtësi e që me mundim, vështirësi, me pengesa cnjerëzore po kërkon ta ringjallë. Sa do ta ëndërronte Riina e Provenzano një sistem drejtësie si ky që na gatuan në këto 30 vite liri në Shqipëri. Sa do të donin që provat e tyre të zhdukeshin sic u zhdukën në 30 vite provat e krimeve, por jo të pasurive, të njerëzve të drejtësisë dhe të politikës shqiptare që vazhdojnë përmes luksit të jenë sfidues e shpërfillës në sytë e cdo shqiptari.
Italia ka mafian, por ka dhe antimafian, ka Ndraghetën, por dhe njërëz të përbetuar, djem e vajza që e përndjekin këmba këmbës, që gjurmojnë fakte dhe pasurinë, mbushin mijëra faqe me dëshmi, prova dhe i arrestojnë. Djem e vajza që janë vrarë duke ëndërruar drejtësi. I cojnë pas hekurave dhe në gjykatë. Italia ka gazetarë që vërtetë investigojnë e nuk bëhen vetëm si kuti postare të krimit, politikanëve të korruptuar apo ish-kryeprokurorësh që shkatërruan çdo gjë. Këta tanët, provat i varrosin si të ishin varrëmihësit më të mirë dhe bëjnë sikur, pa lexuar dhe pa kuptuar sepse thjeshtë nuk duan ta bëjnë, indinjohen e protestojnë. Sa marrin apo lenë një ministri, një arkiv, një institucion, kujdesen të shkatërrojnë, të fshehin, të mbulojnë dhe sot thërrasin: Ndrangheta, ndrangheta në Shqipëri! Çfarë duan të mbulojnë kur bërtasin kaq fort pikërisht në një terren ku ka fare pak, ose gati asgjë?
Nëse ka një moment të vetëm që djem e vajza shqiptare, policë, prokurorë, gjykatës e cdo kancelar i drejtëisë mund të nisë të punojë, ky moment nuk ishte dje, nuk është ende sot, por vetëm nesër mund të nisë të funksionojë, kur të ndjehet i lirë nga sistemi më i tmerrshëm mafioz i instaluar ndonjëherë në institucionet e një shteti.
Kërkojnë disa që bërtasin kaq fort sot gjysfjali të Ndraghetës e të mafias italiane në më të fundit hetim, kur kupola e mafias më të rrezikshme që liroi vrasës e trafikantë për 30 vite në Shqipëri, ishte ulur këmbëkryq në Drejtësi. Po deri dje, askush nuk e pa, pakkush e tha. Gojëmbyllurit ishin dhe janë ata.
Komente
Lajme të tjera
-
Ndrangheta kalabreze: Kujt iu drejtua operacioni antimafia?
4 Maj 2023, 08:43 -
Nuk i zgjat më shumë se 3 ditë arratia vrasësit të ‘Ndrangheta-s’, u prangos sot në Napoli
4 Shkurt 2023, 19:31 -
Ishte në arrest shtëpie për vrasjen e një karabinieri, arratiset vrasësi i 'Ndrangheta-s! Thyen byzylykun elektronik
1 Shkurt 2023, 19:06 -
Përgjimet/ Në urën e tragjedisë ku vdiqën 43 persona në Itali, Ndrangheta dhe Camorra ‘humbën’ një kamion me 900 kg kanabis! U përpoqën ta rimerrnin
14 Dhjetor 2022, 22:59 -
'Fundi i një gjuetie prej vitesh', kapet në Argjentinë udhëheqësi i organizatës kriminale 'Ndrangheta'! Bashkëpunonte dhe me kriminelë shqiptarë
1 Nëntor 2022, 16:33 -
Sekuestrohen mbi 100 celularë të ‘bosave’ në burgun e Bolonjës! Mafia shqiptare dhe ‘Ndragheta’ kontrollonin krimin nga qelia! Merrnin edhe drogë me dron
17 Tetor 2022, 17:44 -
Operacion kundër ‘Ndrangheta’ në Itali, 202 në pranga! Arrestohet edhe Marcello Manna, kryebashkiaku i Rendes! Sekuestrohen 72 mln euro pasuri
1 Shtator 2022, 09:45 -
Mega-operacion në Itali, arrestohen dhjetëra anëtarë të familjes mafioze Ndragheta
10 Shkurt 2021, 08:06 -
Përgjimet e 'Ndrangheta', SPAK nis hetimet kryesisht për grup të strukturuar kriminal, pastrim parash dhe korrupsion i zyrtarëve publikë! Arben Kraja shkon në Romë
4 Shkurt 2021, 12:58 -
PD-ja dhe flluska e plasur e Ndragheta-s
28 Janar 2021, 19:43
-
Përgjimet për Ndranghetan, Çela: Drejtësia e re siguron pavarësinë e prokurorëve, askush nuk i pengon të hetojnë nëse kanë dije të fakteve penale
28 Janar 2021, 14:20 -
Intervista e plotë/Braçe në Report Tv: Asnjë zyrtar shqiptar s’del në përgjimet për Ndrangheta-n! Dalja e Prendit për 21 janarin, ka frikë nga drejtësia e re
27 Janar 2021, 22:12
Ne Shqiperi as neser dhe as pasneser nuk do te funksionoje nje sistem drejtesie normal. Ndoshta pas 50 vjetesh. Per fat te keq, jemi nder vendet e pakta ku korrupsioni eshte i perhapur kudo. Dhe me e keqja fare, kemi te super zhvilluar ate qe quhet korrupsioni politik. Pra se si organizohen dhe funksionojne organizatat politike dhe partite. Nje kryetar behet duke korruptur dhe qendron ne krye te partise vetem me korrupsion. Per rrjedhoje do te gjeneroje vetem korrupsion, sidomos nese vjen ne pushtet. Dhe ne i kemi keto shembuj. Nga qeverite Nano, Meta, Berisha, dhe se fundmi Rama. Ne Shqiperi "Mafia" nuk jane individe, grupime apo organizata nga jashte sistemit. Eshte bete sistemi yne shteteror.
Përgjigjukeni te drejte zonja Malltezi,ne shqiperi akoma funksionon ligji i qoftelargut vicidolas,sepse ai ka vendosur kudo njerezit e tij dhe komandon akoma gjithcka,pavaresisht se shume veprime nuk duken hapur.Kurse suke ngritur nje sistem merimange paralel me shtetin,ai pjesen me te madhe te njerezve ne poste kyce e shantazhon me ane te materialeve kompromentuese qe ai ka ndaj tyre! Dhe kjo nuk eshte shaka e do te vazhdoje deri sa BKH-ja do e marre ndonje dite seriozisht punen e tij e te kryetarit te te korruptuarve ne presidence!
Përgjigju