Këshilli i Ministrave ka depozituar në Kuvend një projektligj për ndryshimin e Kodit Penal, për kriminalizimin e çdo veprimi të paligjshëm në fushën e ndërtimit. Nisma ligjore shton dy nene të reja në Kodin Penal, duke parashikuar deri në 15 vjet burg për personat që dëmtojnë me dashje ndërtesa, objekte publike, vepra industriale, vepra të infrastrukturës dhe çdo objekt tjetër që mund të rrezikojë jetën ose shëndetin e njerëzve për shkak të ndërhyrjeve të paligjshme. Shkatërrimi i plotës ose i pjesshëm i çdo objekti do të dënohet me gjobë ose me burg deri në 5 vite. Kur nga ndërhyrjet e paligjshme kanë ardhur pasoja të rënda materiale, dënimi do të jetë nga 5 deri në 10 vjet burg. Kur shkaktohen pasoja të rënda për jetën dhe shëndetin e qytetarëve, dënimi do jetë nga 7 deri në 15 vjet burg.
Kush ndërton jashtë standardeve do të përfundojë në burg. Konkretisht, projektimi, mbikëqyrja, zbatimi dhe kolaudimi i punimeve të ndërtimit në kundërshtim me ligjin, standardet dhe lejen, kur më parë janë marrë masa administrative, dënohet me burg nga 1 deri në 5 vjet. Nxitja e projektuesit, mbikëqyrësit, zbatuesit dhe kolauduesit për shkeljen e rregullave, do të dënohet nga 1 deri në 5 vite burg. Kur nga këto veprime vijnë pasoja të rënda materiale, siç ndodhi pas tërmetit 26 nëntorit 2019, personat përgjegjës do të dënohen nga pesë deri në 10 vjet burg. Kur nga ndërtimi i paligjshëm vijnë pasoja të rënda për jetën dhe shëndetin e njerëzve, siç ndodhi në Thumanë dhe Durrës, dënimi do të jetë nga 7 deri në 15 vjet burg.
Nisma e qeverisë vjen pas tërmetit me pasoja dramatike të 26 nëntorit 2019, ku u shembën dhe u dëmtuan dhjetëra pallate dhe qindra shtëpi, ndërsa u konstatuar një boshllëk ligjor që nuk ndante përgjegjësitë dhe rolet e gjithë subjekteve që merrnin pjesë në zinxhirin e projektimit, zbatimit dhe kolaudimit të ndërtimeve. Por, ndryshimet në Kodin Penal, synojnë edhe ndëshkimin dhe frenimin e cenimit të pronës publike.
Në Kodin Penal, i cili përmban 335 nene, ka vetëm një parashikim të shkurtër për ndëshkimin e përgjegjësve për ndërtime të paligjshme të objekteve në tokën e vet. Më konkretisht, paragrafi i parë, i nenit 199/a, të Kodit Penal, parashikon që ndërtimi i kryer pa leje, në shkelje të rëndë të lejes ose në kushtet e një lejeje të shfuqizuar në tokën në pronësi të vet, dënohet me burgim deri në një vit. Ndërkohë paragrafi i dytë parashikon se kur kjo vepër penale kryhet në tokën publike ose shtetërore apo në tokën e tjetrit dënohet me burgim nga një deri në pesë vjet.
Pra, Kodi Penal, rregullimet ligjore të mësipërme nuk përmbajnë asnjë parashikim të posaçëm mbi humbjet njerëzore, pasojat e rënda në dëme materiale ose/dhe në cenimin e shëndetit të njerëzve nga veprimtaritë e paligjshme të ndërtimit, duke shkelur rëndë dhe me dashje kushtet teknike dhe ligjore mbi punimet e ndërtimit si dhe standardet profesionale.
(Kliko këtu) Projekt - ligji i plotë për Kodin Penal
Komente
Lajme të tjera
-
Delvinë/ Banorët kontribuojnë për kthimin në identiteti të kishës bizantine
9 Nëntor, 17:15
-
'Shkundja' e tërmetit ende pasoja në buxhet! Në 5 vite rindërtim, kostoja 920 mln €
7 Nëntor, 16:01
-
Durrës/ 78 kasolle derrash i vlerësuan si banesa! Zbardhen emrat e 5 zyrtarëve të Rrogozhinës! 353 mln lekë dëm shtetit
1 Tetor, 10:10
-
Kombinat, Veliaj në pallatet e rindërtuara pas tërmetit: Jemi afër fundit, për ato që kanë mbaruar më përpara, do të hedhim shortin
5 Shtator, 17:19 -
Kombinat, Veliaj në pallatet e rindërtuara pas tërmetit: Jemi afër fundit, për ato që kanë mbaruar më përpara, do të hedhim shortin
5 Shtator, 12:30 -
Veliaj inspekton punimet në Kombinat, 300 familjet e dëmtuara nga tërmeti gati të marrin banesat e reja: Partiçkat dhe gjyqtarët na penguan, por s’na bllokojnë dot punët!
21 Gusht, 13:01 -
Pesë vite pas termetit, 56 familje në Lezhë janë ende pa strehë! Kryebashkiaku i Lezhës: Qeveria ka bllokuar fondet e Rindërtimit
10 Gusht, 15:38
-
Pesë vite pas tërmetit, e moshuara mbetet rrugëve: Kryeministri dhe kryebashkiakja të më bëjnë shtëpinë ose ngujohem në Bashkinë e Kurbinit!
25 Korrik, 16:04
-
Shtimi i banesave të reja nuk përkon me rritjen e lejeve për ndërtesa, ose jetojmë në apartamente dy herë më të mëdha?!
5 Korrik, 09:17 -
Rindërtimi, Veliaj: Këtë verë shpërndajmë banesat e reja për familjet e Kombinatit
15 Qershor, 18:22 -
Laç, vijon procesi i Rindërtimit për ringritjen e lagjes së re, në korrik 60 familje me apartamente të reja
11 Qershor, 14:54 -
Veliaj në Kombinat: 1069 banesa të reja për familjet e prekura nga tërmeti! Nuk do ndalojmë punën, pavarësisht gjyqeve me lloj-lloj partish
3 Qershor, 12:34
Në Vlore ne pallatin 1300 i cili është parafabrikate jane demtuar dëmtuar panelet per t'a përshtatur per lokal.Dhe institucionet shtetërore nuk veprojnë per vendosjen e siguruar ne pallat.Banoret i mbron zoti . A
PërgjigjuKy parlamet inkurajon hajdutet dhe merren Me gjera te Kota qe si vileness popullit
Përgjigjue te renda se tullat me vrima ,forate.per te lehtesia e peshen mbi solete perdoret forate.kjo u jep mundesine per te shtuar soletat jashte projekti.katet shtoje,por peshe e transmetuar mbi themel e mbetet e njejta afersisht.shtimi i lartesise rrit amplituden e lekundjeve ne rast termeti duke shkaktuar demtime te renda dhe plasaritje te fasadave ,sidomos deri mbi mesin e lartesise .NUK flas per lidhjet e mureve te tulles me konstruksionin cimente(kollonat,muret).
Përgjigju