Në gjyq banda e 'skifterave' nga Kukësi/ Vodhën 50 banesa, 113 mijë euro i sollën në Shqipëri

5 anëtarët e grupit kriminal mes tyre dhe kryesori Gentjan Duraku nga Kukësi kanë përfunduar në gjyq pasi grabitën mbi 50 banesa në Gjermani.

Mësohet se këta persona në bashkëpunim me disa shqiptarë të tjerë, kanë vjedhur përgjatë 2 viteve, 2015-2017, 50 banesa në Gjermani, me një organizim të tyre, sende të çmuara, si orë, bizhuteri, pajisje komunikimi, metale të çmuara, automjete si dhe vlera monetare që ndodheshin nëpër këto banesa. Katër vite hetime dhe gjurmime në terren është dashur autoriteteve gjermane të zbulojnë Durakun dhe bashkëpunëtorët e tij ndërsa paratë e grabitura vinin në shqipëri me agjensitë e transfertave, të dokumnetuara rreth 113 mijë euro.

Koçiu, Dalipaj, Sulaj, janë dënuar nga Gjykata e Landit Offenburg, Gjermani, ndërsa për të pandehurin Gentjan Duraku po paraqitet kërkesa për t’u gjykuar në Gjykatën e Shkallës së Parë për Krime të Rënda Tiranë.

 Mbi ta rëndon akuza për veprat penale “Vjedhja’’, në bashkëpunim në formën e posaçme të grupit të strukturuar kriminal, kur ka sjellë pasoja të rënda,  “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”, 

Njofimi i Prokurorit Dritan Prençi

B.K./r.k./Shqiptarja.com

TAG:
• arrestohen shqiptaret
• Elton Koçiu
• Ervis Dalipaj
• Ismet Sulaj
• Gentjan Duraku