Lek Gjeloshi është artisti shqiptar, puna e të cilit u prezantua në takimin e shtatë të “Annotazioni Video” në qendrën e artit “Agimi” në Tiranë.
I organizuar nga Instituti Italian i Kulturës, aktiviteti solli para të pranishmëve videon “Aphelion” të Gjeloshit, një punë e konceptuar si një lloj instalacioni e përbërë nga tre video, që kanë të bëjnë me kohën dhe hapësirën.
“Annotazioni Video është një projekt i Institutit Italian të Kulturës i kuruar nga Stefano Romano, i cili në harkun e tre viteve synon të reflektojë mbi dinamikat e zhvilluara në kërkimet e disa prej protagonistëve të artit bashkëkohor italian e shqiptar, që kanë si fill bashkues videon. Ky është takimi i shtatë i këtij projekti”, tha Alessandro Ruggera, Drejtues i Institutit Italian të Kulturës.
“Këtë mbrëmje do të prezantojmë tre video, që kanë të bëjnë me kohën dhe hapësirën. Video e parë është një video me një kanal, e dyta: video me dy kanale dhe e treta me tre kanale. I kemi vendosur këto video, duke i menduar edhe si një lloj instalacioni”, tha Stefano Romano, kurator i “Annotazioni video”
Shfaqja e videos së Gjeloshit u ndoq nga një bashkëbisedim mes artistit dhe kuratorit Stefano Romano. Në këtë bashkëbisedim është folur për perceptimin e kohës dhe atë se si rrjedha e saj perceptohet, mund të zhvendoset apo manipulohet nga artisti, për të krijuar hapësira të përkohshme, apo duke reflektuar mbi këto koncepte.
Pikërisht në këtë rrjedhë, Gjeloshi ka ndarë për të pranishmit edhe një moment interesant nga fëmijëria e tij dhe asaj që mund ta cilësojmë si fillesë të krijimeve të tij.
“Unë vij nga piktura. Dizenjon e parë që kam bërë në jetën time ka qenë një Porsch. Duhet të kem qenë tre vjeç e gjysmë apo katër. Arsyeja pse kam dizenjuar një porsh lidhej me atë që babai im ishte ai që bënte makinat e byrosë dhe ishte një mjeshtër i madh. Kur makinat dëmtoheshin, ai i riparonte, por bënte dizenjo ‘leonardeske’ mbi këto detaje dhe unë isha thellësisht i tërhequr dhe kopjoja dizenjot e tim etI”, tha artisti Lek Gjeloshi
Lek Gjeloshi është një artist shqiptar nga Shkodra, aktiviteti multimedial i të cilit eksploron efektet tjetërsuese të hapësirave në limb. Veprat e tij janë ekspozuar në disa ekspozita individuale dhe institucionale në Itali, në Francë, në Moskë etj.
Lajme të tjera
-
Shfaqet dokumentari për gjuhën dhe traditat arbëreshe! Lorik Cana dhe Arbër Agalliu, protagonistë te 'Udha'
22 Nëntor, 14:13
-
‘Koleksionet veneciane’ për herë të parë në Bibliotekën Kombëtare! Nga e hëna ekspozohen rreth 600 libra dhe harta origjinale! Ruggera: Trashëgimi e pabesueshme
19 Tetor, 09:34
-
‘Botimet veneciane në Fondin e Bibliotekës Kombëtare’, bashkëpunim me Institutin Italian të Kulturës
21 Shtator, 16:34 -
‘I dashur Pinok’ vjen në Tiranë ekspozita e veçantë që ka ‘shëtitur’ botën
7 Qershor, 17:57
-
Java e Kulturës Italiane çelet me shfaqje klasike në Butrint! ‘Artemis Danza’ interpreton veprat e Puccinit në teatrin antik
3 Qershor, 12:51
-
Fabrizio Bosso sjell në Tiranë koncertin 'We Wonder', homazh për muzikantin Stevie Wonder
18 Maj, 21:06
-
‘Biznesmeni’, 3 net në Teatrin Kombëtar! Shkamb Jaka me ekspozitë te 'Tulla'! Të rinjtë e Qendrës Kulturore me ekspozitë! ‘Mbetjet e paranojës’ në Korçë!
29 Mars, 10:43 -
'Të studiosh në Itali', në 15 dhe 16 mars, 35 universitete italiane në Tiranë, Ruggera: 'Vitrinë' mundësish për studime e projekte!
6 Mars, 17:31 -
Leonard Qylafi 'Përtej rrethit të konfuzionit'! Xoxa: Puna kërkimore në veprat e tij sjell frymë të re! Romano: Udhëtim në tri seri, nga propaganda te interneti
25 Janar, 15:41
-
Në 'Metropol' për 'Me këndu Zërin'! Robert Bisha bën bashkë artistë shqiptarë e italian për tri net: Tradita muzikore e dy vendeve dhe eksperimentimet me vokalin
6 Tetor 2023, 15:28
-
'Shënime video’, artistë shqiptarë e italian bashkë për aspekte të veçanta të realitetit! Kufijtë dhe individualiteti, 'Njerëzit e zakonshëm' të Filippo Berta-s
20 Shtator 2023, 16:14
-
‘Ekrani i artit’, nis festivali me filma e dokumentarë në Shkodër! Do ketë pjesëmarrje të artistëve nga Kosova
1 Qershor 2023, 16:57
