Ulje të taksave si dhe heqjen e disa prej tyre.

Kjo ka qenë kërkesa që shoqata e biznesit në kryeqytet i kanë kërkuar Këshillit Bashkiak dhe vetë kryetarit të Bashkisë së Tiranës, Erion Veliaj.

Në tryezën e organizuar nga shoqata e mbrojtjes së tregtarëve dhe tregut të Shqipërisë, u renditën një sërë taskash që duhet të ulen.

Nikolla Neranxi, kryetar i Shoqatës së Tregtarëve dhe organizatori i kësaj tryeze, pas prezantimit të situatës së biznesit në kryeqytet, kërkoi konsultim me palët e interesit, përpara miratimit të paketës fiskale për vitin 2017 nga ana e Këshillit Bashkiak.
 
Ndërkohë që përfaqësues të organizatave të biznesit në vend, bënë edhe sugjerimet përkatëse, që një sërë taksat të kenë të njëjtën vlerë taksimi si vendet e rajonit.
 
Në fund të takimit, anëtarëve të Këshillit Bashkiak, iu dorëzua edhe lista me propozimet e Shoqatës së Biznesit.  

Redaksia Online
l.q/Shqiptarja.com