Muzika si gjuhë universale, që zgjon kërshërinë për njohjen e kulturës së një vendi tjetër, e artistët që shembin barrierat.... Java Kulturore Japoneze, e përmbyllur me koncertin klasik Shqipëri-Japoni ka krijuar një urë më shumë....
Jo vetëm Bah e Haydn, në “Opera” instrumentistët japoneze luajnë pjesë shqiptare, e Orkestra e Teatrit që interpreton Suitën Japoneze nën dirigjimin e Yoichi Sugiyama dhe mjeshtrinë Edmond Dokos e japin mesazhin të qartë mbrëmjen e së dielës.
“Muzika siç e shikoni bashkon dhe ne sot nuk i ndiem dallimet”, thotë dirigjenti Edmond Doko.
“Kam zbuluar ngjashmëri, pika të përbashkëta ndjesish, pasioni dhe thellësie, të muzikantëve tanë. Muzikantët shqiptarë e kuptuan menjëherë këtë, madje tani miqtë e mi japonezë, më thanë që teksa dëgjonin pjesët japoneze të luajtura nga shqiptarët iu duk sikur përjetuan një pejzash të Japonisë së 100 viteve më parë. Dhe, pjesa që unë dirigjova është krijuar 90 vjet më parë.”, shprehet dirigjenti e kompozitori Yoichi Sugiyama.
Nga këngët arbëreshe tek “Skënderbeu” i Çesk Zadesë... pianistja Aki Kuroda dhe Yuko Miyagaëa, përfshijnë publikun në një lojë mbresëlënëse me interpretimin e tyre...
“Unë luajta sot një pjesë të famshme të Çesk Zadesë, kënaqësi e madhe! Madje pas koncertit i biri më takoi dhe uroi, u befasova, u ndjeva shumë mirë!”, thotë pianistja Aki Kuroda.
“Ndonëse Koncerti sapo mbaroi, unë u bëra nostalgjike! Dhe kur Orkestra luajti pjesë japoneze unë u preka, sepse ata kuptuan shpirtin japonez dhe mendoj se dhe ne japonezët e kuptojmë shpirtin shqiptar!”, shprehet violonçelistja Yuko Miyagaëa.
Ambasadori i Japonisë në Tiranë, Takada Mitsuyuki, heq petkat e diplomatit e angazhohet që kultura e vendit të tij, ti prezantohet sa më miqësisht publikut shqiptar...
Ndërsa artistet e ftuara, krahas pjesëve tradicionale japoneze, sjellin elementë tipik japonez edhe në veshje...
“Është një kimono për ceremoni e bërë 83 vjet më parë, e vesha për ngjyrën e kuqe sepse e dija që i tillë ishte flamuri shqiptar! Por edhe për simbolet japoneze, por edhe për Ukrainën, ky zog i qëndisur është për paqe midis njerëzve”, thotë violonçelistja Miyagaëa.
Thonë se pritja në Shqipëri ishte tepër miqësore, aq sa kanë nisur e mendojnë për rikthimin e ardhshëm.
Lajme të tjera
-
THIRRJA/Pas debateve për rastin Jaho, teatri i Operës, mban në qershor masterclass-in e dytë të Akademisë Teatrale me sopranon e njohur italiane!
14 Maj 2023, 13:03 -
Ambasadori japonez takim me kryebashkiakun e Fierit: Shqipëria duhet të integrohet në BE
15 Tetor 2021, 12:07 -
Teatri Kombëtar i Operës e Baletit nis sezonin artistik, koncert për 100-vjetorin e lindjes së Mustafa Krantjes
14 Tetor 2021, 22:54
-
Rikthehet në Tiranë me “Annociation” koreografi Prejlocaj! Premiera do të shfaqet në datat 24 dhe 25 shtator në skenën e TKOB
23 Shtator 2021, 16:39 -
Basha pret ambasadorin japonez: PD do të mbështesë bashkëpunimin ekonomik me theks të veçantë në investimet japoneze dhe turizmin
9 Korrik 2021, 18:50 -
Kushi takim me Ambasadorin Mitsuyuki: Mirënjohje Japonisë për mbështetjen në procesin e rindërtimit të shkollave gjatë viteve të fundit
18 Mars 2021, 11:34 -
'Shtegtoi edhe një bilbil', shuhet në moshën 85-vjeçari këngëtari Sali Brari
13 Nëntor 2020, 20:17 -
E bija e Feim Ibrahimit: Opera është tempull i shenjtë i muzikës lirike, s’mund të preket!
25 Shtator 2020, 16:53
