POP 5

Lajmet më të lexuara të 5 minutave të fundit

Opinion

Periferi

Nga Yuri Kim te vëllai i Bashkim Gazidedës, helmi i Berishës nuk ka kufi

Për ata që ka dosje, apo fakte kompromentuese shantazhet i bën nën zë, ndërsa për ata që nuk gjen asgjë, ai dhe mediat e tij nisin linçimin publik, si me vëllanin e Bashkim Gazidedes

Nga Yuri Kim te vëllai i Bashkim Gazidedës, helmi i Berishës nuk ka kufi

 

Për të provuar forcën e ligësisë, të shantazhit, të hakmarrjes primitive, të linçimit publik të stilit Sali Berisha dhe klanit të tij ndaj kujtdo që në Shqipëri ka guxuar dhe guxon të mendojë ndryshe nga ai, mjafton të shohim dy shembuj: I pari dhe më i freskëti, është një lajm i shfaqur në median-armë të Sali Berishës, të financuar nga njerëz të tij të afërm,  dhe bujtëse në godinën pronë të aleatëve të tij politikë (të majtë).

Nuk i shpëtoi baltës alla Berisha edhe vëllai i ish krahut të tij të djathtë, Bashkim Gazidedes, Naim Gazidede, vetëm se ky i fundit duket se nuk do të tërhiqet në kandidimin e tij nën siglën e PD-së për vendoret në Bashkinë e Dibrës. Sot, media e Sali Berishës e cilëson Naim Gazideden si një të marrë peng nga rivalët e tij socialistë dhe nga njerëz të Edi Ramës. Gjithashtu i kujtojnë se ai ka harruar se çfarë i bënë atij dhe vëllait të tij Bashkim (që sot nuk jeton), socialistët.

Atëherë, për të gjithë ata që e njohin stilin e paburrni të Berishës dhe të gjithë atyre që kanë stomakun e fortë dhe moralin e qullët t’i qëndrojnë akoma afër, publikimi i një artikulli në mediat e tij (ashtu siç ka bërë përherë në mediat që ka përdorur në vite duke nisur që nga RD) kundër Naim Gazidedes, do të thotë që banda e tij nuk ka mundur të gjejë asgjë kundër Naimit që do të mund ta kompromentonte në heshtje dhe ta detyronte të tërhiqej vetëm me një telefonatë, apo me një kërcënim. Meqë ata nuk kanë pasur asnjë “dosje” djegëse apo të fshehtë, kërcënuese apo shantazhuese që ta bëjnë të tërhiqet nën zë, nisin linçimin publik. Këtë stil e ka bërë kurdoherë dhe me këdo. Shumicën ka preferuar ta shantazhojë në heshtje: ministra të tij, prokurorë, gjyqtarë, politikanë etj. etj. Ndërsa linçimin publik me media e rezervon për kë nuk arrin ta shantazhojë. Atëherë balta mediatike e gatuar nga qehajajtë e tij, të ngjashëm me të në amoral e korrupsion etik, futet në veprim. Shembulli i Naim Gazidedes është më i freskëti.

Shembulli tjetër, matës i egërsisë së klanit Berisha, është linçimi publik i ambasadores së Shtetit më të fortë në Botë. Mjafton të rendisim sulmet publike ndaj Yuri Kim, për të kuptuar se në ç’skaje mund të arrijë linçimi për cilindo shqiptar që nuk është në rreshtat erëkëqija të moralit të tij. Por kohët po ndryshojnë dhe shqiptarët që dinë t’i thonë  “jo” një nongrata planetar, po shtohen përherë e më shumë.

a.m./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Zekthi: 05/04/2023 15:28

    A ke emer e mbiemer ti qe e poston kete palo material pa as ma te voglin fakt qe te deshmosh se Saliu asht fajtor apo edhe per boren qe ra keto dite fajin e ka Saliu ! Une e di se i bani hyzmet pageses ndaj dhe shkruani ka pa fakte por bazuar ne deshira ! U mori koka e goja erë duke shpif . Edhe ka ajo teoria juaj : " shpif , shpif se diçka mbetet " ka ngelë me barrë e do tju pjell diçka mahnitese per ju e modelin tuaj !

    Përgjigju
  • Ame rika: 05/04/2023 08:29

    Ka nje thenie popullore : QENIT kur i VJEN NGORDHJA VETE e PERMJERR(ben cicin) ne DERE te XHAMISE!! EDHE SALA po LUFTON kunder ALEATIT STRATEGJIK AMERIKES ! PO pse ndokush pret qe AMERIKA te sillet me Salen se me SADAMIN KADAFIN ,SULEJMANIN etj JO ,JO, SALEN e ANTIAMERIKANET AMERIKA ka METODA te "BUTA,, P.SH. Te HEDHE "narkoze,, pastaj te BEN "OPERCION,, NDOSHTA dhe ne TRU SIPAS DIAGNOZES . KUR TE DEL NARKOZA VESHTIRE se MUND te NJOHESH VETVETEN. PO SALA e ka HARRUAR PROFESIONIN se POLITIKA te BEN "FIGURE,, POR AI QE SALA I KA SHERBYER ne " BLLOK,,ka thene : GELLTIT nje LUGE CORBE te Prishur VJELL GJITHEJETEN!

    Përgjigju
  • Dana.: 05/04/2023 06:53

    Ky Gazidete i ri me siguri do te shpelaje paret e familjes. Duhet kerkuar off-shore. Se gazidete i ndjere ( Un them se asht gjall)edhe pastruesen e Shish-it e beri milioner. Sala ishte si qengji para luanit ne krahasim me te.

    Përgjigju
  • Poli: 04/04/2023 21:57

    Epo tani te mendosh qe ky plak i rrjedhur lincon me te forten e botes (kuku) eshte tallje serioze. E kunderta kemi pare te ndodhe. Mgjt vazhdoni ne vijen e Partise dhe shokut Edvin! Kushdo kunder apo kritik, armik e shkuar armikut. Apo nuk po shtohen shqiptaret gjithmone e me shume... neper bote duke ikur. Te cudit fare.

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Atentati në Vlorë/ Drejtori i Policisë: Kevin Hajrulla ndodhej në makinë kur u qëllua (VIDEO)

Atentati në Vlorë/ Drejtori i Policisë: Kevin Hajrulla ndodhej në makinë kur u qëllua (VIDEO)

18 Dhjetor, 22:40