POP 5

Lajmet më të lexuara të 5 minutave të fundit

Kronikë

Vrasjet, Arta Marku urdhër vartësve në rrethe: Brenda shtatorit dorëzoni listën e personave në kërkim

Kryeprokurorja e Përgjithshme u ka kërkuar drejtuesve të prokurorive, të paraqesin brenda muajit shtator, listën e përditësuar të personave në kërkim si dhe zbardhjen e shpehtë të ngjarjeve kriminale, krimit kundër jetës, pronës, etj.

Situata e fundit kriminale ka vënë në lëvizje edhe Kryeprokuroren e Përgjithshme. Arta Marku zhvilloi sot një takim me të gjithë drejtuesit e Prokurorive të Rretheve Gjyqësore dhe të Apelit. Në mbledhjen e zhvilluar në Prokurorinë e Përgjithshme, Marku ka kërkuar rritjen e bashkëpunimit me Policinë dhe agjencitë e tjera të ligjit, ngritjen e grupeve të përbashkëta hetimore, për hetimin e krimit në tërësi, dhe në veçanti krimit kundër jetës, pronës, korrupsionit dhe krimit të organizuar.

Kryeprokurorja ka kërkuar vëmendje të shtuar për dosjet e pezulluara pa autor, kryesisht të vrasjeve, tërheqjen dhe analizën e detajuar të tyre, me qëllim kryerjen e veprimeve të gjithanshme, me shpejtësi dhe efikasitet në drejtim të zbulimit të autorëve.

Gjithashtu, gjatë mbledhjes, nga Prokurori i Përgjithshëm u është kërkuar drejtuesve të prokurorive, të paraqesin brenda muajit shtator, listën e përditësuar të personave në kërkim dhe në bashkëpunim me Policinë e Shtetit marrjen e të gjitha masave për evidentimin dhe kapjen e tyre.

Për më tej, Kryeprokurorja u ka kujtuar drejtuesve të prokurorive detyrimin ligjor për raportimin dymujor të gjendjes së kriminalitetit në rrethet përkatës.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • rroku: 07/09/2018 19:24

    Ku eshte kjo Arta Marku, me sa duket ja ka fu gjumit apo e ka zene semundja e Llalles, shum shpejt u shua merni nje prokuror te pergjithshem nga SHBA, ose BE se ketu te ne te gjithe kane ngrene corben e Sali kriminelit vine me buj dhe behen uje.

    Përgjigju
  • redi: 07/09/2018 18:06

    Zonja Marku eshte mire qe te krijohet SPAKU dhe Byroja e hetimit qe te ndihet lufta kunder krimit shteteror dhe ordiner . Prokuroret qe nuk kane kaluar be veting zir se di ndryshojne metiden e punes . Shpresojme qe situata te ndryshoj per mire

    Përgjigju
  • sapa: 07/09/2018 17:14

    Edhe kjo fle gjume si te tjeret!

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu