Nis ndërtimi i landfillit në Elbasan
Rama: Shërojmë tumorin e mbetjeve

ELBASAN - Kryeministri Edi Rama i shoqëruar nga Ministri i Mjedisit Lefter Koka ndodhet në Elbasan ku ka përuruar fillimin e punimeve në impiantin e përpunimit të mbetjeve, një investim nga kompania italiane “Albtek energy sh.p.k”
 
Në fjalën e tij Kryeministri Rama tha se më në fund këtij tumori në qytetin e Elbasanit dhe në të gjithë vendin po i vjen ora e shërimit. Duke inspektuar punimet, shefi i qeverisë shqiptare theksoi se kjo kompania italiane vendoset për herë të parë në vendin tonë, e cila do të sjellë edhe transformimin e mjedisit.
 
Kryeministri Rama nënvizoi se ky impiant do të nisë punë që këtë vit, ndërsa ky shembull do të ndiqet dhe shtrihet edhe në qytete të tjera të vendit.
 
“Jam krenar që ky tumor stërmundonte të gjithë banorët e Elbasanit për shkak të ndotjes katastrofike, është në fazën e shërimit. Elbasani do të jetë shembulli si do të përpunohen mbetjet dhe që do të shtrihet në të gjithë Shqipërinë. Ky impiant vendoset për herë të parë në vendin tonë dhe do vendosë themelin e transformimit të mjedisit. Plehrat kanë 22 vjet që ndotin Shqipërinë, zotimi ynë që landfilli do fillojë punën që këtë vit dhe për bashkinë nis një rilindje mjedisore.” theksoi në fjalën e tij Rama
 
rama ne elbasan
FOTO të tjera

Landfilli i përpunimit të mbetjeve në qytetin e Elbasanit, është një investim me vlerë 22 milionë euro nga kompania italiane “Albtek Energy sh.p.k.”
 
Sipas para shikimeve të bëra, ky impiant pritet të vihet në funksion para korrikut të këtij viti dhe ku parashikohet të shkaterrohen 5 ton mbetje spitalore në ditë. Nga ky impiant, qyteti i Elbasanit pritet të përftojë 530 mije m2 hapësirë të  gjelbëruar.

rama ne elbasan

Redaksia Online
(e.c/shqiptarja.com)

  • Sondazhi i ditës:

    Turizmi/A jeni të kënaqur me shërbimet dhe çmimet që gjeni në zonat turistike?



×

Lajmi i fundit

John

Aksidenti me 10 viktima, Kurti: S’kemi njoftim zyrtar për detajet, Ministri i Brendshëm drejt Kroacisë