POP 5

Lajmet më të lexuara të 5 minutave të fundit

Politikë

Një ditë pas dorëheqjes, Basha kujton fitoren e PD-së më 22 Mars 1992: Demokratët meritojnë një parti të fortë

Demokratët sot përkujtojnë fitoren e zgjedhjeve të 22 Marsit 1992, ku Partia Demokratike erdhi në pushtet si forca e parë politike opozitare që u themelua në Dhjetor të 1990-ës, në kulmin e lëvizjes studentore për liri dhe demokraci. Për demokratët, 22 Marsi, konsiderohet si dita e parë e lirisë dhe e përmbysjes së diktaturës komuniste në vend

Një ditë pas dorëheqjes, Basha kujton fitoren e PD-së më 22 Mars 1992: Demokratët meritojnë një parti të fortë

Demokratët sot përkujtojnë fitoren e zgjedhjeve të 22 Marsit 1992, ku Partia Demokratike erdhi në pushtet si forca e parë politike opozitare që u themelua në Dhjetor të 1990-ës, në kulmin e lëvizjes studentore për liri dhe demokraci. Për demokratët, 22 Marsi, konsiderohet si dita e parë e lirisë dhe e përmbysjes së diktaturës komuniste në vend.

Në këtë ditë të rëndësishme për demokratët, Lulzim Basha, i cili dha dorëheqjen nga drejtimi i partisë një ditë më parë, shkruan se 30 vite më parë shqiptarët zgjodhën Partinë Demokratike, zgjodhën të ardhme dhe fituan lirinë, duke përmbysur diktaturën komuniste. Në dekadën e tretë të kësaj fitorje, Lulzim Basha thotë se demokratët ndodhen përpara betejës për një Parti Demokratike të së ardhmes, të bashkuar mbi vlerat me të cilat kemi lindur, si shpresa e vetme e shqiptarëve për një të ardhme më të mirë.

‘30 vjet më parë shqiptarët zgjodhën Partinë Demokratike, zgjodhën të ardhmen dhe fituan lirinë dhe demokracinë, duke përmbysur një herë e përgjithmonë diktaturën komuniste. Rrugëtimi ynë ka qenë i gjatë dhe i vështirë, me suksese që kanë shënuar për mirë jetën e shqiptarëve, dhe dështime që na kanë ndarë nga ajo shumicë dërrmuese shqiptarësh që në 1992-shin i dhanë jetë ëndrrës për një Shqipëri europiane. Në dekadën e tretë të asaj fitoreje historike, demokratët ndodhen përpara betejës për një Parti Demokratike të së ardhmes, të bashkuar mbi vlerat me të cilat kemi lindur, si shpresa e vetme e shqiptarëve për një të ardhme më të mirë.  Ata sot meritojnë dhe do të kenë një Parti Demokratike të fortë, parimore, në krah të njerëzve dhe të aleatëve strategjikë, e gatshme per t'u përballur dhe për të fituar mbi të keqen që i ka zënë frymën vendit. Gëzuar ditën e parë të demokracisë!’- shkruan Basha.

Lulzim Basha dha dorëheqjen si kryetar i PD-së, pas 9 vitesh si drejtues i kësaj partie. Vendimi i Bashës për dorëheqjen vjen pas humbjes së thellë të PD në zgjedhjet e pjesshme lokale të 6 marsit, ku jo vetëm nuk fitoi asnjëra nga 6 bashkitë, por u rendit edhe forcë e tretë. 

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 23/03/2022 03:34

    Na u bere si librat ne kohen e Enverit qe cdo gje e krahasonin me 1939 edhe ne vitet 80'.1992 eshte kohe e larget,PD-se i dha historia,koha,rasti dhe populli nje shans qe rralle jepet ne jete.Dhe cfare beri PD ??????

    Përgjigju
  • katunari: 22/03/2022 16:03

    Fatkeqesia e PD qe te prodhoi ty o Lulush. Luj lojra luj lulush i vogel.

    Përgjigju
  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Lara Colturi e mbyll vitin siç ëndërronte, tjetër sukses në Botërorin e skive

Lara Colturi e mbyll vitin siç ëndërronte, tjetër sukses në Botërorin e skive

29 Dhjetor, 14:38 nga Ernest Koçi