Emri i Tomor Malasit, një prej figurave të spikatura të PD-së pas 90-ës, ish-kryetari i parë i Bashkisë së Tiranës në vitet 1991-’92 dhe ish-nënkryetar i Kuvendit të Shqipërisë, është përjetësuar në një rrugë në Tiranë. Në fjalën e mbajtur në ceremoninë në prani të familjarëve dhe të afërmve të Tomor Malasit, kryetari i Bashkisë së Tiranës, Erion Veliaj, e cilësoi atë një simbol të ndryshimeve të mëdha të asaj kohe në kryeqytetin shqiptar.
“Në jetën e një qyteti ka njerëz që kthehen në simbol të kohës që përcakton ndryshimet e mëdha të historisë së një vendi. Tomor Malasi e pati këtë fat, të ishte simbol i kohës që po kalonte Shqipëria në fillim vitet ‘90”, tha Veliaj.
Projektimi i Tiranës si metropoli më i madh i Ballkanit, sipas tij, u bë para 30 vitesh nga Tomor Malasi, i cili mundësoi vendosjen në kryeqytet të të gjithë atyre që erdhën nga çdo skaj i Shqipërisë.
“Tomor Malasi ishte njeriu që, opozita e asaj kohe, Partia Demokratike, ia besoi përfaqësimin e Tiranës, kryeqytetit tonë. Tomor Malasi pati fatin të ishte kryetari i Tiranës që shembi murin e lëvizjes së lirë në Shqipëri. Malasi e shembi këtë mur dhe liberalizoi vendosjen në Tiranë të të gjithë atyre që donin të vinin nga çdo skaj i vuajtur dhe tejet i vështirë i Shqipërisë, duke e kthyer atë, pas 30 vitesh, në metropolin më të madh të Ballkanit Perëndimor. Atij i ra fati, Gjithashtu, t’i hapë rrugë Tiranës kozmopolite, multikulturore, që bashkon qytetarin e Tropojës me atë të Tepelenës në një shkallë pallati, dhe që sot ndoshta sheh me shpoti ata që tentojnë ta shpallin Tiranën ekskluzivitet vetëm i atyre që kanë lindur ‘den baba den’ në Tiranë”, deklaroi ai.
Duke e përshkruar si një politikan të urtë dhe të ndershëm, Veliaj shtoi se Malasi u rreshtua në anën e duhur të historisë e jo të partisë.
“Tomor Malasi do mbahet mend si një politikan i urtë, i pjekur dhe i përgjegjshëm, që në momentet kyç të vendit u rreshtua në anën e duhur të historisë, jo në anën e partisë. Ai u bë nënkryetar i Kuvendit të Shqipërisë në periudhën ’92-’96, në vitet jashtëzakonisht të vështira të tranzicionit, duke dëshmuar një urtësi të rrallë për atë kohë trazirash dhe një pjekuri në vendimet e veta”, u shpreh Veliaj.
Në fund, kryebashkiaku nënvizoi faktin se Malasi u rreshtua në grupin e deputetëve dhe zyrtarëve të lartë të PD-së, të cilët kërkonin që kjo forcë politike dhe ish Presidenti Berisha, të mbanin përgjegjësi për fajdet që shkaktuan trazirat e vitit 1997.
“Madje, edhe në vitin ’97, në atë vit të mbrapshtë të Shqipërisë, iu bashkua grupit të deputetëve të PD, që u bënë rezistencë atyre politikanëve që donin t’i vinin zjarrin Shqipërisë për interesa të politikës së momentit. Ai u tërhoq nga të qenit politikan aktiv, duke mbetur një qytetar model i kryeqytetit tonë, një njeri që ka ngelur në kujtesën e këtij qyteti, si simbol i vlerave politike dhe i vlerave qytetare dhe njerëzore të Tiranës sonë të madhe. Emri i tij i bën nder Tiranës, më shumë se sa Tirana i bën nder duke i vënë emrin kësaj rruge “Tomor Malasi”, përmbylli Veliaj.
Komente
Lajme të tjera
-
Çlirimi i Shqipërisë, nxënës e veteranë mbjellin 80 pemë në varrezat e Dëshmorëve! Veliaj: Të qartë në vokacionin tonë Europian
27 Nëntor, 15:59 -
Enver Hoxhaj nderohet me titullin ‘Doctor Honoris Causa’ në Tiranë, Veliaj: Urë lidhëse mes Shqipërisë dhe Kosovës
26 Nëntor, 16:12 -
Kopshti i ri në Njësinë 10, Veliaj: Do buxhetojmë sërish për çerdhe dhe kopshte të reja! Revolucion edhe për ushqimin falas të nxënësve nëpër shkolla
25 Nëntor, 15:40 -
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Veliaj në Bruksel për 75-vjetorin e Kolegjit të Europës: Vitin tjetër dyfishohet numri i studentëve! Kampusi, histori suksesi për Tiranën
21 Nëntor, 15:21 -
Festivali i Nomadëve Digjitalë, Veliaj: Tirana, qytet kozmopolitan i të gjithëve! Bëhemi gati për titullin ‘Kryeqyteti Europian i Kulturës'
20 Nëntor, 15:46 -
Premtimi i Veliajt, nga 1 janari 2025 pensionistët do të udhëtojnë falas me autobus në Tiranë! Vendimi miratohet me votat e socialistëve në Këshillin Bashkiak
19 Nëntor, 17:54 -
Prezantohet në shqip libri i ish-kryebashkiakut të Bogotas, Veliaj: Ekipi i tij do ndihmojë në zbatimin e sistemit të ri të transportit në Tiranë
19 Nëntor, 14:46 -
Sot 80 vjetori i Çlirimit të Tiranës nga pushtuesit nazistë, homazhe te ‘Ushtari i Panjohur’! Veliaj: Të lëmë përçarjet për përparimin e shoqërisë
17 Nëntor, 08:29 -
Rehabilitohet blloku i banimit në Njësinë 3, Veliaj: Tirana, një kantier investimesh, buxheti 2025, më transformuesi
16 Nëntor, 13:07 -
Parada e Shqiptarëve më 28 nëntor në Tiranë, Bashkia e Ferizajt i bashkohet festës së madhe të pavarësisë: Emocion, krenari, lavdi e festë e jashtëzakonshme
13 Nëntor, 20:09 -
FOTOT/ Nis puna për rindërtimin e shkollës 9-vjeçare “Edith Durham”, Veliaj: “Do të jetë një super shkollë me 4 kate, gati për vitin e ardhshëm shkollor”
12 Nëntor, 12:00
Tomor Malasi shembi murin e levizjes se lire dhe liberalizoi vendosjen e te gjithe atyre qe donin te vinin ne Tirane,thote Lali Eri! Jo o Erion Veliaj! Tomor Malasi nuk beri asnje nga keto dhe vete e pohon se ka qene politikan i urte,i pjekur e i pergjegjshem.Ishte Sali Berisha qe hapi kete /can of worms/, kur uleriste neper mitingje: /Levizje e liiiree!/ se i duheshin militante e vota.Cfare te bente i shkreti Tomor kur vinte tjetri nga fundi i botes e zinte ndertesat shteterore,fabrikat e konviktet,apo kur gjente nje toke/truall te lire ne periferi e ngulte nje hu e thoshte /toke e xame/ dhe po te kuturiste t'i afrohej ndonje ish-pronar qe shpresonte t'a rimerrte,apo te pakten t'a kishte te lire me shpresen se tani ne demokracine do te shkonte toka tek i zoti,i dilte ky /trimi/ qe i kishte zene tokem me arme apo sepate dhe i thoshte /do token apo koken/!Kush e pyeste apo t'i merrte leje Tomorit?! I kishte /duart e lidhura/,se shteti ligjor ra,u zevendesua me plepiste qe u ngrysen karrociere e u gdhine gjykates e me trima qe i binin gjoksit se ishin me PD e ishin miq te Berishes e Hajdarit e s'guxonte kush t'i prekte me dore edhe sikur shtetit t'i hipnin ne kurriz si kalit ne ato vite.Z.Veliaj,ish-kryebashkiaku ishte zoteri i vertete,por nuk mund lavderosh anarkine e atyre viteve si dicka normale,bile progresive.
Përgjigju