'E di mirë nga kush e ke porosinë', Mit'hat Havari zbulon në 'Repolitix': Më kanë kërcënuar, më ofenduan gruan dhe vajzën (VIDEO)

Gazetari i Report Tv, Arsen Rusta ka akuzuar politikën si një ndër shkaktaret kryesorë të njerëzve të drejtësisë të korruptuar. Në studion e Report Tv, Rusta tha se lidhja e krimit me politikën është më e fortë se ajo që krimi ka me njerëzit e drejtësisë.

"Politika i zgjedh njerëzit e drejtësisë, politikani i detyron ato që të lidhen me krimin. Këta mbarojnë punët e veta me krimin, por krimi përdor politikën, është më e fortë se dhe lidhja e krimit me njerëzit e drejtësisë. Krimi me njerëzit e drejtësisë prodhon krim, por ajo e politikës është më e rëndë. Këtu prokurori e zgjedh politikan. Në magjistraturë janë fëmijët e gjyqtarëve, prokurorë. Kjo gjë është kthyer në trashëgimi", tha Rusta.

Avokati Saimir Vishaj në studion e Report Tv ka bërë një deklaratë të fortë, sa i përket pastërtisë së figurës që njerëzve të drejtësisë në Shqipëri. Vishaj tha se në sistemin e drejtësisë në vendin tonë ka gjyqtarë që janë arrestuar në të kaluarën e tyre për vepra penale të turpshme, por pavarësisht kësaj ato vijojnë punën në Gjykata. Për Vishajn, një nga arsyet kryesore përse ndodh ky fenomen është mungesa e një regjistri të gjendjes gjyqësore për personat që ndjekin shkollën e magjistraturës.

"Mungon një regjistër i gjendjes gjyqësore çfarë ka ndodhur para se të bënte shkollën e magjistraturës... si e fitoi, ka shkuar refugjatë, ka një të dënuar jashtë? Kemi gjyqtarë të arrestuar për vepra të turpshme dhe ai vazhdon punën. Ti ke një të kaluar dhe s'mundesh ti të punosh gjyqtarë e prokuror", Vishaj.

Mithat Havari, ish- drejtues policie ka denoncuar "live" në studion e Report Tv se është kërcënuar.

"Janë kërcënuar rrugëve, në 23 të muajit tetor, jam qytetar i thjeshtë, jam kërcënuar rëndë nga Sajmir Molli, më terrorizoi. Kishte marrë përsipër nga një kriminel. Ti e di nga kush e kam porosinë", më tha se denonciva publikisht dikë në TV. Kam marrë Ardi Veliun, në celular u tregua i gatshëm, por ka kaluar 10 ditë dhe skush nuk ka rënë në pranga. Shoh një lloj hezitimi, një polici inekzistente. Kam qenë zyrar i lartë i policisë së shtetit. S'kemi ngelur rrugëve që të na denigrojnë ashtu'. S'ka dhënë kontribut për Shqipërinë më shumë se unë, po t'i kishte ndodhur Ramës do ishte ngritur shteti në këmbë. Atë ditë që më ka kërcënuar, ka kërcënuar dhe një polic. Janë gjëra të rënda. Më fyu shumë rëndë, "Fu*k wife, daughter , everything" Isha në terror psikologjik, s'kisha asnjë lloj përkrahje as nga banorët që unë jetoj aty prej 25 vite, s'jam boksier, s'mund të bëja grushta me të, tha ai.